Post #2048

【李家超同鹽田公安夾份講大話！】 保安局局長李家超上星期六﹙19號﹚對住傳媒講，12位被送中嘅香港，全部已經自行揀選咗兩名中國官方名單上嘅律師，意圖「打爆」每個當事人最多聘請兩個律名嘅名額、逼走家屬請嘅律師，果然係配合緊中共，擘大眼講大話呃香港人。 由 12港人之一嚴文謙家屬委託嘅律師，喺深圳市法律援助處查詢發現，中國官方只係安排咗一個律師畀嚴文謙，而且係 9月 24號、即係 12手足被捕超過一個月後，先至正式受理嚴文謙嘅案件。 但係家屬請嘅律師去到鹽田公安分局，公安就以「已經請咗兩個律師」為由，拒絕家屬請嘅律師幫嚴文謙提交辯護資料。另一位手足張銘裕嘅律師亦都被刁難，同樣被看守所以「已經請咗兩個律師」為由拒絕畀律師探視，但就話係手足自己委託，唔係經法援。 深圳各個部份繼續大耍太極，目的就係唔畀家屬請嘅律師見到手足。香港政府，唔幫家屬不特止，仲要配合中共，夾埋中國公安一齊講大話？ #save12hkyouths 🌎爭你一個！立即參與全球聯署👉https://bit.ly/3008r4c - - - - - Facebook: www.facebook.com/save12hkyouths IG: www.instagram.com/save12hkyouths Twitter: https://twitter.com/save12hkyouths Email: [email protected]