Post #2123

泰國今日多處繼續有大型示威，除咗要求限制皇室權力、三大訴求以外，亦同時抗議泰國警方要求法院取締四間傳媒、Telegram等滅聲行為。 其實道理從來都好簡單，就喺權力要交返畀每一個人民，而唔係極少數人自己獨斷獨裁，更加唔可以因為講野你唔岩聽就要拉要鎖。 呢啲講到爛嘅野我明、你明、隔離屋個師奶都明，但偏偏極少數靠奶共維生嘅人形生物就唔明，見到有人示威就鬧人「戲子」、「暴徒」、「收咗外國錢」，所以走去支持泰國警方暴力鎮壓，而呢啲人形生物到今日都繼續喺到四處抹黑緊泰國嘅人民。 我哋香港人可以做啲咩？大家知唔知道，即使喺呢個動盪嘅時刻，好多泰國人都冇忘記過香港發生緊咩事，繼續為俾中共綁架嘅十二個香港人發聲。所以，我哋都希望各位香港人繼續關心、支持佢哋！上Twitter Retweet又好、簽聯署又好，同屋企解釋點解人哋要示威都好，總之撐手足撐到底！ Source: Twitter@BoatPongpat #MilkTeaAlliance #ม็อบ19ตุลา #saveสื่อเสรี