Post #2173

【刑暴誌放映會】 你有冇諗過，有一個國家，即使再「和理非」表達自己政見，下場竟然係日夜被酷刑折磨？ 同香港一河之隔嘅中國，有一班人即使冒住生命危險，依然勇於發表自己嘅政見。由T2KY出品嘅《刑暴誌》一共紀錄咗四位中國嘅抗爭者︰謝文飛、張聖雨、劉萍、陳雲飛曾經面臨嘅酷刑，例如「死人床」、「棺材倉」等等。 製作團體希望透過呢套紀錄片，一方面令香港人明白到中國現時維權人士嘅慘況；另一方面，自從上年反送中運動爆發之後，警暴情況屢見不鮮、而且變本加厲，香港嘅人權狀況逐漸同中國一樣惡劣，所以製作團體希望預告香港人將可能面臨嘅境況，做好精神同肉體上嘅準備，先可以抗爭到底。 天水連線感謝製作團體用心製作紀錄片，亦都好榮幸可以舉辦今次放映會。要知道當呢套紀錄片拍攝完成準備上映嘅時候，就係撞正《国安法》立法嘅時候，令到製作團體更加難搵到地方放映，所以記住唔好錯過今次放映會！希望到時見到大家！ 日期︰2020年11月7日(六) 時間：19:00 (片長48分鐘) 地點︰銀座對出空地 播映內容︰《刑暴誌》 注意(i)︰現場觀眾請配戴口罩及注意個人衛生並保持適當社交距離，減低感染風險 注意(ii)︰請小心有藍絲、黑警到場搗亂 👉🏻刑暴誌Facebook 👉🏻相關報導 🔗關於天水連線 💪🏻支持天水連線 • 聯絡天水連線：@tswcbot