Post #2377

【一日店員有感⋯】 仲記得一年前天水連線搞過一次「一日外賣仔」計劃，當時嘅經驗都話比我哋知，會做到爆曬廠同攰到想嘔⋯ 今次同 亞萊泰菜 Thai a Rai Food 聯乘做一日店員，由前一晚成員準備食材搞到頭班輕鐵開先返到屋企，到當日其他成員接手幫忙，感受到香港人至今都仲係好齊心，一呼百應！ 樓面踢晒腳，落外賣落到手軟。廚房仲誇張，幾個人做到停唔到。講緊嘅係連飯都賣曬，煲都煲唔切🤦🏻‍♂️ 去到中段炸爐又壞，炒爐又壞，結果搞到支持嘅街坊等好耐先拎到外賣，中間好多位處理得唔好，非常抱歉🙏🏻 縱使同店主一樣冇錢落袋，但係可以同手足拍住上，都好滿足！希望各位可以體諒今次嘅計劃有好多不足之處，大家都係為咗手足做得幾多得幾多⋯ 但點都好，仍然要多謝每個香港人係依個艱難嘅時候都願意幫助有需要嘅同路人，收到唔少意見同建議，喺能夠幫到手足嘅大前提檢討，我哋希望可以點再做好啲，同手足同行共進退。 天水連線