Post #21433

🚀🏴󠁧󠁢󠁳󠁣󠁴󠁿 Ислам Чесноков «Хартстағы» дебюттік голы жайлы, Эдинбургтегі өмірі және жанкүйердердің қолдауы туралы пікір білдірді: «Бұл – айтып жеткізе алмайтын сезім. Мен дәл осы жерде алаңға шығып, гол соғуды армандадым. Ең бастысы – біз аса маңызды әрі қиын жеңіске қол жеткіздік. «Иығымнан ауыр жүк түсті» деп айта алмаймын. Бұл тек өз-өзіңе деген сенімділікті арттырады – гол соққанда әрбір футболшы осындай күйді бастан кешіреді деп ойлаймын. Ең маңыздысы – «Хартс» жеңіс жолын жалғастыра берсе екен деймін. Ол [Дерек МакИннес] барлығымызға үш ұпай үшін алғыс білдіріп, осы бағыттан таймауымызды сұрады. Соңғы уақытта ойын тәжірибемнің аз болғанын білесіздер, сондықтан жұрт алаңдай бастады. Алайда, бұл – футбол. Оны жақсы түсінетіндер уақыттың қажет екенін біледі. Мен негізгі құрамда алғаш рет «Хибернианға» қарсы өткен өз алаңымыздағы дербиде өнер көрсеттім. Бұл ойынға мені нағыз шайқасқа дайындағандай әзірледі – матчтың өзі де дәл сондай сипатта өтті. Мен қарашаның соңынан бері ресми ойындарға қатысқан жоқпын, сондықтан жаттығулар арқылы бабыма келуім керек болды. Тіпті жақсы дайындықпен келсең де, бәрібір жаңа ортаға бейімделуге уақыт қажет. Ал бір жарым айлық үзілістен кейін жаңа командаға қосылғанда, бұл уақыттың тіпті маңызы арта түседі. Эдинбургтегі өміріме келсек, бәрі ойдағыдай. Пәтерде тұрамын, тамақты жаттығу базасында ішемін, сондықтан тұрмыстық жағынан еш қиындық жоқ. Ағылшын тілін аптасына екі рет оқып жүрмін, жуырда еркін сөйлеп кетемін деп үміттенемін. Жанкүйерлердің қолдауы сезіле ме? Әрине, оны байқаймын. Командадағы жігіттер тіпті соған қатысты әзілдейді. Негізгі құрамға енгенімде, олар: «Енді пікір алаңында Қазақстанның туы қаптап кететін болды», – дейді. Бұл маған ұнайды. Өйткені мен Қазақстанның намысын қорғап жүрмін, сондықтан мұны табиғи жағдай деп қабылдаймын», – деді 26 жастағы футболшы. @kairov_candidate