Post #21564

😶‍🌫️Патриоттық жымқыру: ұлттық құраманы қолдаймыз деп қаражатты кімдер қалтасына басты? Қазақстан ұлттық құрамасының өткен жылғы маңызды матчтарының бірінің алдында әлеуметтік желілерде ауқымды пиар-науқан ұйымдастырылды. Командаға қолдау көрсету мақсатында қолға алынған бұл жобаны бірнеше футбол клубтарында жұмыс жасайтын пиар-маман басқарған. Ойын қарсаңында елге танымал блогерлер ұлттық нақыштағы арнайы бейнероликтер түсіріп, желіде кеңінен таратты. Алайда бұл таза патриоттық қадамның артында үлкен қулық жатқаны енді белгілі болып отыр. Инфлюенсерлердің өздері ASnews.kz редакциясына берген мәліметінде құраманы шын жүректен қолдау үшін ұсынылған қаламақыдан үзілді-кесілді бас тартқандарын мәлімдеді. Дегенмен, жобаға жауапты пиар-маман блогерлерге «жолкіре шығындарын өтеу» сылтауымен қолма-қол ақша ұсынған. Көп ұзамай желіде «бұл блогерлер ұлттық құраманы ақша үшін ғана қолдап жатыр» деген жағымсыз қауесет тарай бастайды. Істің мән-жайына үңілсек, жағдай тіпті басқаша өрбіген. Белгілі болғандай, аталмыш пиар-команда ресми құжаттар мен орындалған жұмыс актілерін жасап, қағаз жүзінде «блогерлерге қаражат төленді» деп көрсеткен. Ал іс жүзінде ақшаның қайда кеткенін ешкім білмейді. Блогерлер керек болса, ашық түрде барлық шындықты айтуға дайын. Осы тақырыпты ары қарай жалғастыра берейік пе, ағайын? @kairov_candidate