Post #21576

📹Баяғы жартас – сол жартас Жанкүйерлер ҚПЛ матчтарының трансляциясына қатысты сын айтуда. ҚПЛ ойындарын өткен маусымнан бері атақты BAS Production компаниясы түсіріп жатыр. Оған дейін футбол матчтарын түсіру тәжірибесі болмағандықтан, маусым басында қателіктер көп болды. ҚФФ өкілдері үш турдан кейін трансляция сапасы жақсарады деп уәде берді. Күттік, нәтиже жоқ. Одан кейін де бірнеше рет жақсартамыз деп уәде бергенімен, баяғы жартас – сол жартас. Қателікті жөндеп, тәжірибе жинауға бір маусым уақыттары болды. Бірақ жаңа маусымда да өзгерген ештеңені байқап тұрған жоқпыз. Матчтарды түсіру құқығына арналған тендерге ақпанның соңынан бастап, наурыздың 3-не дейін өтінімдер қабылданды. Нәтижесі біреу – BAS Production. Демек, бәрі де алдын-ала шешіліп қойған ба? Жалпы осы салада бәсекелестік бар ма әлде осылай жалғаса бере ме? @kairov_candidate