Мың теңге

Алимент төлемейтін әкелердің назарына! Енді қаша алмайсыз-ау, сізден ақша өндіру үшін іске Yandex Такси тартылғалы жатыр екен. Алматы прокуратурасы мен Yandex компаниясы серіктестік туралы өзара меморандумға қол қойыпты. Әдетте, алимент неге төленбей жатады? Өйткені кейбір азаматтар ресми жұмыссыз жүреді. Бірақ шын мәнінде Yandex Такси секілді сервистерден ақша табатын болса керек. Былтыр осындай 110 факт тіркелген екен. 57 адамға әкімшілік шара қолданылса, тағы 10 іс бойынша тергеу басталған. Енді прокуратура мен Yandex бірігеді деген сөз ғой. Бірге жұмыс істеп, табысын жасыруға тырысатын әкелердің алиментін түгендейді. «ҚАРЖЫЛЫҚ САУАТ» https://t.me/qarzhylyq_sauat

⛰️ Вьетнамдық инвестор Алматы облысындағы Ak Bulak Village туристік кешеніне ірі қаржы салады. 📍Бұдан бөлек, Қонаев қаласындағы «Арна» индустриялық аймағына да қомақты инвестиция құйып, құны 90 млн долларлық азық-түлік зауыты салынбақ. ✅ Бұл Премьер-министрдің орынбасары, ұлттық экономика министрі Серік Жұманғариннің Вьетнам Премьер-министрінің тұрақты орынбасары Нгуен Хоа Бинмен кездесуінде қабылданған шешім. Серік Жұманғариннің айтуынша, Қазақстан мен Вьетнам бірлесе отырып, дамыту қажет бағыттар: – сауда және инвестиция, – көлік пен логистика, – агроөнеркәсіп кешені, – ақпараттық технологиялар саласы. 📈 Осылайша, екі ел арасындағы тауар айналымын екі есе арттыруды көздеп отыр. 🛑Еске салайық, былтыр қарашада Ak Bulak Village (бұрынғы «Ақ-Бұлақ» курорты) вьетнамдық Crystal Bay Group компаниясымен бірлесіп, казиносы бар элиталық курорт салу жоспары хабарланған.

💰 Биыл Үкімет Ұлттық қордан қаржы алуды азайтты. 📉2025 жылдың қаңтарында Ұлттық қордан 550 млрд теңге алынған болса, биыл бұл сома екі есе азайып, 230 млрд теңге болды. ҚАЗІРГІ ЖАЙ-КҮЙ 💸 Биыл қаңтарда Ұлттық қорға 323,2 млрд теңге түсті. 1 ақпандағы жағдай бойынша қордағы жалпы қаражат 39,7 трлн теңгеден асты. 🛢Негізгі кіріс – мұнай секторынан мұнай компанияларынан түскен салық – 323,0 млрд теңге. Соның ішінде: • 183,0 млрд теңге – корпоративтік табыс салығы; • 131,9 млрд теңге – пайдалы қазбаларды өндіру салығы. 📉Қордан қанша қаржы жұмсалды? Есепті кезеңде Ұлттық қордан 230 млрд теңге алынды . Бұл қаражат республикалық бюджетке кепілдендірілген трансферт ретінде бағытталған. 💰 Биыл үкімет Ұлттық қордан жалпы 2,7 трлн теңге алуды жоспарлап отыр.

🎯 РЕСМИ! «Ұлттық қор – балаларға»: әр баланың шотына 130,71 доллар түсетін болды Бұл 2025 жылдың есебі. Бәріңіз де білесіздер, 18 жасқа дейінгі әр баланың атына ашылған БЖЗҚ-да арнайы шот бар, бұл ақшалар соған түседі. Ұлттық банктің мәліметіне сүйенсек, 2025 жылдың есебі бойынша бағдарламаға қатысқан: 📌 бала саны — 6 918 656 Балаларға жыл сайын бөлінетін осы ақшалар Ұлттық қордың ұзақмерзімді инвестициялық табысынан қалыптасады. Сол табыстың тең жартысы балаларға теңдей бөлінеді. Сол себепті жылда бөлінетін сома әртүрлі болады. Мысалы, Бағдарламаның өзі 2024 жылы іске қосылғанын ескерсек, сол жылы әр балаға 100,52 доллардан, 2025 жылы 129,38 доллардан есептелген болатын. Биылғы бөлінетін сома, жоғарыда айттық — 130,71 доллардан. Соңғы үш жылда бір баланың атына жиналған ақшаның көлемі — 370,56 доллар. Яғни, бүгін біз әр баланың шотынан осындай ақша көреміз. Ол үшін eGov mobile қосымшасын ашамыз немесе kids.enpf.kz сайтына өтеміз. Сайттан қарау жолы өте қарапайым. Баланың ЖСН (ИИН) теру жеткілікті. Бұл жерде ақпарат жаңарып болды, биылғы аударымдар түсіп тұр. eGov mobile-да былай тексеруге болады: - Қосымшаны ашып, авторизация жасаймыз - Басты бетте — «Цифрлық құжаттар» (Барлығы) - Екі таңдау болады: «Жеке» және «Жанұя» «Жанұя»-ны (бұл сөз қосымшада солай аударылған) таңдағанда балалардың құжаттары тізіліп тұрады. Солардың арасында «Ұлттық қордан есептеулер» дегенді тауып алуымыз керек. Сол жерде барлық түскен ақшалар көрінеді. 2026 жылы аударылған сома тұрса, мәлімет жаңарған деген сөз. Әр баланың шотына түскен қаражат 18 жасқа толғанша Ұлттық қор портфелінде қала береді, сол жерде инвестицияланып, көбейіп отырады. Ақшамыз көп болсын, құтты болсын!🙌 «ҚАРЖЫЛЫҚ САУАТ» https://t.me/qarzhylyq_sauat

Базалық ставка — банктер үшін «ақшаның құны». Ұлттық банк осы ставканы қалай бекітсе, банктер соған қарап кредит пен депозиттің пайызын өзгертеді. Кредитке әсері қалай? Базалық ставка жоғары болса, банктер қымбат пайызбен несие береді. • Ипотека, автонесие, тұтынушылық кредит қымбаттайды. • Халық та, бизнес те қарызды аз алуға тырысады (экономикадағы түсінік бойынша). Базалық ставка төмендесе, кредиттің пайызы да арзандайды. • Ол кезде несие алу жеңілдейді, бірақ бұл бағаның қайта өсуіне әкелуі мүмкін. Депозитке әсері қалай? Базалық ставка жоғары кезде банктер салымшыларды тарту үшін депозитке жоғары пайыз ұсынады. • Яғни, ақшаны банкке салған тиімді болады. Базалық ставка төмендесе, депозиттің табысы азаяды. • Ол кезде банкте ақша ұстау бұрынғыдай қызық болмайды. Неге Ұлттық банк бұған мән береді? Өйткені адамдар көп қарыз алып, көп ақша жұмсаса — баға өседі. Себебі халық көп ақша жұмсау арқылы нарықта сұранысты күшейтеді. Егер ол сұранысқа жауап беретін ұсыныс болмай, тапшылық сезілетін болса, онда баға өзінен өзі шарықтайды. Ал несие қымбат, депозит тиімді болса — ақша аз жұмсалады. Көпшілік нарықты дұрыс түсінсе, «құны қымбат» кезде қолындағы ақшасын оңды-солды жұмсамай, жинауға ыңғайланады. Депозитке салады. Арттыру жағын ойлайды. Сол кезде сауданың қызуы басылады, алыс-беріс азаяды, ақша көп жұмсалмаған кезде нарық тынышталады, инфляция бәсеңдейді. Базалық ставка — орталық банктің басты құралы, инструменті. Инфляцияны соның күшімен басқаруға тырысады. Инфляцияға қатысты Ұлттық банктің өз мақсаты бар. Мысалы, қазір ресми дерек бойынша, жылдық инфляция деңгейі — 12,3%. Сол көрсеткішті 5%-ке дейін жақындатқысы келеді. Егер сол мақсат келешекте орындалатын болса, онда базалық ставка да өздігінен түседі деген сөз. Ал ол кезде кредит проценттері де «құлайды». Бәрі бір-бірімен тығыз байланысты. Сіздер де соны біліп жүрсін деп барынша қарапайым тілде түсіндіруге тырысқан түрім. Инфляция мен орталық банк бекітетін базалық ставканы бақылап жүруіміз керек. Біздің өмірімізге сол екеуі қатты әсер етеді. Солай, достар. «ҚАРЖЫЛЫҚ САУАТ» https://t.me/qarzhylyq_sauat

💵 Ұлттық экономика министрі Жұманғаринге теңгені долларға шаққанда 590-ға дейін әлсіретуді ұсынды 📌 Қазақстандағы экономиканың жай-күйі талқылану барысында ұлттық құрылтай мүшесі Қайырбек Арыстанбеков теңгені бір жылда 590-ға дейін әлсіретуді ұсынды. Бірақ министр Жұманғарин мұның мүлдемм талқыланбайтынын айтып, девальвация әлеуметтік соққыға сеп болуы мүмкін екенін ескертті. Қайырбек Арыстанбековтың айтуынша, 11 айдың қорытындысына сай еліміздің экспорты 4,2%-ға қысқарған, ал импорт 4,5%-ға артқан. Бұдан бөлек, Қазақстан ЕАЭО елдері ішінде инфляция деңгейі бойынша көш бастап тұр. ⚖️Экономист кейінгі бес жылдағы жинақталған (кумулятивті) инфляция қазақстандық экспорттың бәсекеге қабілетін әлсіретіп, ел экономикасын көрші мемлекеттермен салыстырғанда "қымбат" көрсететінін атап өтті. "Ұлттық экспортты ынталандыру үшін теңгені кезең-кезеңімен сырғымалы девальвациялауға болады. Бұл ұлттық валютаны әлсірету емес, бір жылдың ішінде курсты біртіндеп өзгерту жайлы ұсыныс. Егер қазір 500 теңге болса, жылдың соңында доллар 590 теңге болуы мүмкін", – деп түсіндірді ол. 🛑Ал ұлттық экономика министрі Серік Жұманғарин жауап ретінде үкімет девальвацияны экономикалық саясат құралы ретінде қарастырмайтынын айтты. Оның пікірінше, экспорттың өсуі тек валюта бағамына емес, өңдеу деңгейіне, экспорттаушыларды қаржылай қолдауға және бәсекенің ұтымды тұстарын тиімді пайдалануға да байланысты. 💰Теңгенің әлсіреуі импортқа тәуелді салаларға және халықтың табысына кері әсер етуі мүмкін екенін ескертті. Жұманғариннің сөзінше, мұндай ұсыныстар тәуекелді талап етеді, халықтың табыс айырмашылығына әсер етіп, оның ұлғаюына себеп болуы мүмкін.

📌Зейнетақы жинағындағы қаражатқа тіс, көз емдетуге тыйым салынды. Зейнетақы жинағынан артық ақша алу үшін есепшотта қанша қаражат болу керек? 🎯Басты талап – зейнетақы жинағындағы қаражат ең төменгі жеткілікті шектен (ТЖШ) асу қажет. ❓Ең төменгі жеткілікті шек деген не? Бұл – айлық зейнетақының ең төменгі мөлшерінен төмен емес көлемде қамтамасыз ету үшін қажетті зейнетақы жинақтарының ең төменгі мөлшері. ✅ҚЫСҚАША, ТШЖ – зейнеткердің айлық зейретақысы ең аз зейнетақы сомасынан кем болмауы үшін жинақталуға тиіс қаражат көлемі. 💸ТЖШ қалай анықталады? • ең төменгі жалақы сомасына; • әлеуметтік-экономикалық көрсеткіштерге; • инвестициялық кірістерге сай анықталады. ҚР “2026-2028 жж республикалық бюджет туралы” заңына сәйкес, 🔹ең төменгі жалақы – 85 000 тг; 🔹зейнетақының ең төмен мөлшері – 69 049 тг; 🔹ең төменгі күнкөріс деңгейі – 50 851 тг. 🟢2026 жылы ТЖШ 10%-ға өседі. Әр жас санаты бойынша ТЖШ мәндері: 2️⃣0️⃣ жас - 3 720 000 теңге 3️⃣0️⃣ жас - 5 120 000 теңге 4️⃣0️⃣ жас - 6 720 000 теңге 5️⃣0️⃣ жас - 8 570 000 теңге 6️⃣0️⃣-6️⃣2️⃣ жас - 10 700 000 теңгеден жоғары 📊 ТЖШ өсуі тұрғын үй нарығына әсер етуі мүмкін. Өйткені, кейінгі жылдары зейнетақы жинағынан ақша алу жылжымайтын мүлік бағасының артуына ықпал еткен. 2021 жылдан бері зейнетақы жинағын 🏡 тұрғын үй жағдайын жақсарту үшін, 💉медициналық ем алу үшін жұмсауға рұқсат. 🛑 Бірақ кейінгі айларда стоматология мен офтальмология қызметтеріне қаражат алу шектелді. 📑 Бұған себеп – 200 млрд теңгеден астам қаржының жалған медициналық құжаттар арқылы жұмсалуы.

📲Мобильді аударымдар бақыланады 📊2026 жылдың 1 қаңтарынан бастап еліміздегі барлық есепшоттағы мобильді аударымға қатысты жаңа талаптар енеді. 💬 Қаржы вице-министрі Ержан Біржановтың айтуына қарағанда, мобильді аударымдарды бақылауға алу, тексеру ісі тек нақты бекітілген ереже бойынша жүзеге асады. 💸 Мобильді аударымдар қандай жағдайда салықтық бақылауға ілігеді? 📍1 адамға 3 ай бойы кем дегенде 100 рет (одан көп) әртүрлі қолданушыдан ақша аударымы келсе; 📍 осы 3 ай аралығында түскен қаражат көлемі 1 миллион жетсе; ✅ Осы жағдайда ғана азамат салықтық бақылауға алынады. Екінші деңгейлі банктер мұндай деректерді фискалдық бақылау үшін ұсынады. Біз жеке тұлғалардың есепшоттарын жаппаймыз. Аталған шығындар бойынша хабарлама жолдап, жеке кәсіпкер ретінде тіркелу қажет пе, әлде қайырымдылық көмек басқа жағдайлар бар ма, соның барлығы ескеріледі. Есепшоттарды автоматты түрде жабу қарастырылмаған, - деді қаржы вице-министрі Ержан Біржанов Үкіметтегі брифинг барысында. 🔴Сондай-ақ ол мобильді аударымдар арқылы 1 миллион теңгеден астам қаражат алғандар міндетті түрде жеке кәсіпкер ретінде тіркелуі тиіс деген ақпараттың жалған екенін ескертті.

🍇Қазақстанның жеміс-жидек нарығында Қытайдан импортталатын өнім көбейді. Тіпті, Өзбекстанды басып озды. Талдауды толық оқып, комментке сіз қай елден келген жеміс түрін жиі сатып алатыныңызды жаза кетіңіз👇🏼 САЛЫСТЫРУ 🌽Бұған дейін елімізге көкөніс пен жеміс жеткізуде көшбасты Өзбекстан еді. 🇨🇳 2025 жылдан бастап Қытайдың бәсі басым түсті. 📊Кейінгі 9 айда Қытайдан әкелінетін көкөніс пен жемістің үлесі 39%-ға артып, импорт құны 181,7 млн долларға жетті. ✅Қытайдан импорт 1 жылда 2,2 есе өсіп, көлемі 401 мың тоннаға жетті. 📊 Ал Өзбекстаннан жөнелтілетін өнім деңгейі 12%-ға азайып, құны 128,6 млн доллар болды. ✅1 жылда Өзбекстаннан импорт көлемі 360 мың тоннаға тең. ⚖️НЕ СЕБЕП? Қытайдың Өзбекстанды басып озуына әсер еткен басты фактор: 🥔 картоп импорты (33,4 млн $, 136 мың т.), 🍇 жүзім импортының екі есеге артуы (22,8 млн $, 34,9 мың т.). 📊 Жалпы Қазақстан нарығындағы барлық жеміс-жидек және көкөністің 55%-ы ҚХР мен Өзбекстанның үлесі. 🔄ЖАЛПЫ ЖЕМІС ИМПОРТЫ 💵Еліміздегі көкөніс пен жеміс-жидек импортының құны 3,2%-ға өсіп, 559,7 млн $ болды. 🔴Соның ішінде тұтынушылар жиі сатып алатын 🍌банан (49,5 млн доллар), 🥔картоп (46,3 млн доллар), 🍅қызанақ (42,7 млн доллар), 🍇жүзім (34,3 млн доллар), пияз (32,2 млн доллар), 🍏алма (32,1 млн доллар), 🍊цитрустық жемістер (31,2 млн доллар), 🍑шабдалы (26,6 млн доллар) және т.б. өнімдер бар. ИМПОРТ VS ЭКСПОРТ 🍋Биыл қаңтар-қыркүйек аралығында елімізге 100,9 мың тонна цитрус жемістер жөнелтілді. ⚖️ Бұл былтырғы көрсеткіштен 3,2%-ға артқан. Ал импорт құны 49,7 миллион $ жетті. 🇰🇿 Қазақстаннан экспортталатын цитрус өнімдерінің көлемі 7,7 мың тонна. ⚖️ Былтырғыдан 2,6 есе көп, табыс 1,9 миллион $ болды. 💭Ал сіз қандай жеміс, көкөністі және қай елден келген түрін жиі сатып аласыз? 👇🏼

Егер ФРС ертең ставканы түсірсе, жаңасын былай қойғанда біздің б/у облигацияларымыздың өзіне шетелдік инвесторлардың сұранысы күрт артатын болады. Қыркүйек айынан бері қайталама нарықтағы мемлекеттік облигациялардың (меукам) кемінде 40 пайызын шетелдіктер иеленіп келеді. Биыл Қаржы министрлігі облигациялар орналастыру арқылы кем дегенде 8 триллион теңге тартты. Осыған қатысты, нарықтың өзі теңгенің құлдырауына жол бермейтін болады. Бірақ таяқтың екінші ұшы бар. Инвесторлар қарық болып жатқан 20% суперкірістілік банкетінің счетын кім жабады? Әрине, мемлекет. Биыл біз ескі облигацияларды жабу, оның купондық сыйақысын төлеу, басқа да қарыздарды қайтаруға бюджеттен 3,5 триллион теңге жұмсадық. Облигацияның кіріс пайызы жоғары болған сайын, біз қайтаруымыз тиіс қарыз сомасы көбейе береді. Екіншіден. Антиинфляциялық құрал ретінде мемлекеттік облигациялар ішкі нарықтан артық ақшаны алып тастауға жұмыс істеуі тиіс. Шетелдік ақша сырттан көп келіп, облигацияларға ауыз салса, онда мемлекеттік құнды қағаздардың антиинфляциялық эффектісі әлсіреп қалады. Ол тек теңге курсына жағымды әсер танытпақ. 🔴 Тым күшейген теңге Ұлттық қорды сорлатады. Себебі келесі жылы бюджет қажеттілігі үшін Ұлттық қордан 2,2 триллион теңге алынады деп бекітілген. Үкімет жоспарлаған базалық сценарийде курс 540 деп есептеліп, 2,2 триллион теңге трансфертіне 4,07 миллиард доллар жұмсалады деп есептелді. Ал егер доллар 500 теңге болып орнықса, онда Ұлттық қордан 4,4 миллиард долларды жаратуға тура келеді. Бұл 320 миллион доллар артық шығын. Міне алыстағы Америкадағы Федералды резерв жүйесінің бір шешімі бізде осындай құбылыстар тудыра алады. Бұл маңызды ма? Әрине маңызды. Енді сізге біршама жайт түсінікті болды деп ойлаймын. Келесі пост мұнай инверсиясына арналады. Ооо, ол феноменалды тақырып. Менімен бірге болыңыздар. Авторы: Айбар Олжай.

Теңгеге не болғаны және не болары хақында Әлемде пайда болған бір сәттік қазақ арбитражы. ФРС сызған траектория теңгеге қалай әсер етеді? 🌀Күні тым ерте бататын елде өмір сүрудің бір пайдасы бар. Кешке қарай осындай елдердің халқы кенеттен өз болашағына алаңдай бастайды да, салмақты сараптаманы оқуға кәдімгідей кірісетінін байқадым. Мен сияқты авторларға лайфхак - сараптама жазбаңызды кешкі 9-дан кейін жариялаңыз. АҚШ Федералды резерв жүйесінің ішіндегі біршама тартыстан кейін "көгершіндер" "қырандардан" дауыс саны бойынша асып түсіп, ФРС ставкасы 0,25 пайызға, немесе қаржыгерлер тілімен 25 базисті пунктке төмендейді деген пікір басым. Менің ойымша, дәл осылай болады. Нақтысын ертең біле аламыз. Әр айтқан терминімді түсіндіріп отырайын. Сонда сізге пайдасы зор болады және көзіңіз ашыла бастайды. 🔸 1 базисті пункт 0,01 пайызға тең. Сонда 25 базисті пункт, кейде оны қаржыгерлер б.п. деп қысқартып айтады, 0,25% дегенді білдіреді. Қазір ФРС ставкасы 3,75-4% диапазонында болса, және ол ертең 0,25 пайызға түссе, онда 3,5-3,75% коридорында болады. Демек, долларлық кредиттер арзандайды, доллардың құны түседі, АҚШ суверенді облигацияларының (трежерис) табыстылығы мен американ банктері депозиттерінің проценті төмендейді. Осы кезде инвесторлар мен спекулянттар керісінше акциялар, алтын, крипта, дамушы елдердің мемлекеттік облигациялары сынды кірістілігі жоғарырақ құралдар іздей бастайды. Бағана көгершіндер мен қырандар туралы айттым. Бұл шын құстар емес. Қаржыгерлер тілінде макроэкономиканың бір-біріне қарама-қарсы екі позициясы. Көгершіндік позиция дегеніміз, базалық ставканы төмен ұстап, сол арқылы кредиттерді арзан қылып, ақша жинауды емес, жаратуды тиімді қылу. Сонда бизнес пен тұтынуға ақша көп келеді де, соның есебінен экономика өсе бастайды. Депозиттер мен облигациялар тиімсіз болады. Адамдар бизнеске, компаниялардың акцияларына көбірек жұмсайды. Мұнда бәрі жақсы, бірақ инфляция, яғни қымбатшылықтың күрт арту қаупі бар. "Қырандар" позициясы тура керісінше. Олар инфляцияны қатаң шекарада ұстау үшін, базалық ставканың жоғары деңгейде болғанын қалайды. Макрорезервтер көп болғанын, қатаң үнемдеу режимін, халық депозитте, ал инвесторлар облигацияларда отырғанын құп көреді. Сонда нарықтан артық ақша кетіп, тұтыну, ысырап азаяды. Инфляция төмен болады. ⏳ Қазір Федералды резерв жүйесінде көгершіндік позиция басым. Бір сөзбен айтқанда олар экономикалық өсім мен тұтыну белсенділігін инфляцияның төмен болуынан жоғары қойып отыр. ФРС шешімінен кейін әлемнің ірі экономикаларындағы орталық банктер де ақырындап ставкаларын босаңсыта бастамақ. Олардың облигацияларының кірістілігі төмендейді деген сөз. Кеше Әзірбайжан ставкасын сәл түсірді. Дәл осы кезде әлемдегі спекулянт/инвесторлар экономикасы тұрақты, резерві мол, нарығы ашық және валютасы еркін конверттелетін, ең бастысы мемлекеттік облигациялары жақсы табыстылық беретін дамушы ел іздей бастайды. Инфляцияны тұншықтыру үшін базалық ставканы 18 пайыздан түсірмей, қырандар позициясынан айнымай отырған Қазақстан нөмірі бірінші кандидатқа айналып шыға келді. Себебі біздің теңгелік мемлекеттік облигациялардың табыстылығы жылдық 19-20%-ға дейін жетіп отыр. Демек, әлемдік нарықта арбитраж (вилка) пайда болды және инвесторлар бұдан жақсы табыс көре алады. Олардың теңгеге деген сенімі біздің мол халықаралық резервімізбен байланысты. Инвесторлар шок жағдайында Ұлттық Банктің интервенция жасап, теңге бағамын жайлы деңгейде ұстап қалатынын біледі. Теңге сәл құбылса да, 20% кірістілік барлық шығындарды жауып, үстіне доллармен кемінде 7-8% таза кіріс алып келуі тиіс. ✅Сондықтан спеку-инвесторлар теңгелік облигацияларды сатып алу үшін біздің биржаға долларларын алып келіп, оны теңгеге айырбастай бастады. Қазан-қараша айында олар 1,1 миллиард доллар алып келді. Ал желтоқсан-қаңтарда осы сома екі есеге өсуі мүмкін. 📊Теңгеге сұраныс артқан соң, USD/KZT жұбында теңгенің күш алып, курсы нығаятыны заңды. Біз өткенде көрген нығаю фактісі осыған байланысты.

💎Әлемдегі ең бай адамдардың байлығы жер бетіндегі жалпы кедей халықтың жартысына тиесілі байлықтан 3 есе көп 📈Жаңа зерттеуге сәйкес, әлемдегі ең бай 0,001% адам әлем халқының төменгі 50%-ы бірігіп иеленген байлықтан үш есе көп қаражатқа ие. 💰Мультимиллионерлердің орташа капиталы шамамен 1 млрд еуроға жетсе, тұрмысы төмен 50% халықтың орташа байлығы бар болғаны 6500 еуро шамасында. 🔴 Зерттеу табыс пен байлықтың әділетсіз бөлінгеніне дәлел, яғни, адамдардың 10%-ы ғана ең көп байлыққа иелік етеді. 💬Экономист Джозеф Стиглицтің айтуынша, бұл алшақтықты азайту үшін прогрессивті салықтар мен әлеуметтік инвестицияларды арттыру керек.