Post #8842

محتاج ناس تساعدني في تجربة التطبيق قبل النشر . يا جماعة، النهارده محتاج ناس تكون معايا في تجربة النسخة التجريبية من التطبيق قبل ما يتم نشره بشكل رسمي. خصوصًا أصحاب أجهزة التلفزيون لأن فيه تعديلات كبيرة اتعملت على موضوع الريموت كنترول (RTL / LTR) ومعالجة مشاكل الاتجاه والتنقل، ولسه في شغل وتحسينات مستمرة على Activity Player. الواجهة المرة دي بسيطة جدًا مقارنة بالإصدارات السابقة مفيش تعقيد ولا زحمة عناصر، كل حاجة واضحة وسهلة الحمدلله 👍 لكن تركيزي الأساسي حاليًا على استقرار التحكم بالريموت لأنه أكتر جزء محتاج اختبار حقيقي على أجهزة مختلفة. النسخة دي لسه تحت التطوير، وممكن يكون فيها Bugs أو مشاكل عادي جدًا فأنا محتاج ناس فعلاً تستخدمها وتديني Feedback حقيقي عشان أقدر أصلح كل حاجة قبل الإصدار النهائي. الهدف من المرحلة دي: إني أخلص كل المشاكل والتعديلات مرة واحدة وبعدها أركز بشكل كامل على السيرفرات وتحسين الأداء بدل ما أكون مشتت في التطبيق نفسه. اللي حابب يشارك ويجرب النسخة التجريبية يكتب في التعليقات وهبعتله الإصدار التجريبي النهارده بليل. شكراً لكل حد بيساعد ❤️ والمرحلة الجاية بإذن الله تكون أهدى وأثبت بعد ما نخلص كل المشاكل دي.