Post #538

🤝🌏👨‍🏫👩‍🏫🇺🇿🤝🇰🇷 • TDYU va Sung Kyun Kvan universiteti Huquq maktabi o‘rtasida hamkorlik memorandumi imzolandi Toshkent davlat yuridik universiteti rektori v.b., yuridik fanlar doktori, professor Islambek Rustambekov Koreya Respublikasiga rasmiy tashrifi doirasida Sung Kyun Kvan universiteti Huquq maktabi rahbariyati bilan uchrashdi. Uchrashuv davomida qo‘shma ilmiy tadqiqotlar olib borish, ikki tomonlama ta’lim dasturlarini ishlab chiqish, professor-o‘qituvchilar va talabalar almashinuvini yo‘lga qo‘yish masalalari muhokama qilindi. Muzokaralar yakunida TDYU va Sung Kyun Kvan universiteti Huquq maktabi o‘rtasida hamkorlik memorandum imzolandi. Hujjatga ko‘ra, endilikda ikki oliy ta’lim muassasasi o‘rtasida qo‘shma ilmiy tadqiqot loyihalarini amalga oshiriladi, ikki tomonlama ta’lim dasturlarini ishlab chiqilib, amaliyotga joriy etiladi, professor-o‘qituvchilar hamda talabalar almashinuvi dasturlarini yo‘lga qo‘yiladi hamda hamkorlikda ilmiy maqolalar, o‘quv materiallari tayyorlanadi, turli ilmiy va boshqa tadbirlar tashkil etiladi. Mazkur memorandum o‘zaro tajriba almashish, qo‘shma o‘quv dasturlarini yo‘lga qo‘yish va yuridik ta’lim sifatini xalqaro standartlarga mos ravishda takomillashtirishga xizmat qiladi. Ma’lumot uchun: Sung Kyun Kvan universiteti (Sungkyunkwan University — SKKU) Janubiy Koreyaning TOP-10 universitetlari qatoriga kiradi va Times Higher Education (THE) xalqaro reytingida 87-o‘rinni egallagan. Universitet xalqaro reytinglarda ilmiy-tadqiqot salohiyati, raqamli innovatsiyalar va akademik erkinlik darajasi bo‘yicha yetakchi o‘rinlarda turadi. @tsulbox