Post #43289

👉 Uchtepa tumanida sodir etilgan jinoyatlar muhokama qilindi Payshanba — “Profilaktik kuni” munosabati bilan Uchtepa tumanidagi 228-sonli umumta’lim maktabida tuman hududida sodir etilgan jinoyatlar yuzasidan muhokama yig‘ilishi bo‘lib o‘tdi. Mazkur yig‘ilishda tuman hokimi B. Mamadjanov, tuman prokurori S. Muxtorov hamda tuman IIO FMB boshlig‘i A. Baxramovlar ishtirok etib, jinoyatchilikning oldini olish, yoshlar o‘rtasida huquqbuzarliklarni kamaytirish hamda profilaktik chora-tadbirlarni yanada kuchaytirish masalalarini muhokama qildilar. Shuningdek, yig‘ilishda 25 nafar Probatsiya hisobida turuvchi mahkumlar, 12 nafar jinoyat sodir etishga moyil bo‘lgan, profilaktik hisobda turgan shaxslar, shuningdek tumanda faoliyat olib borayotgan avtomobil yuvish shoxobchalari va umumiy ovqatlanish maskanlari rahbarlari ham ishtirok etdi. Yig‘ilish davomida mas’ullarga aniq vazifalar yuklatilib, huquqbuzarliklarning oldini olish bo‘yicha tegishli tavsiyalar berildi. ——— 👉Учтепа туманида содир этилган жиноятлар муҳокама қилинди Пайшанба — “Профилактик куни” муносабати билан Учтепа туманидаги 228-сонли умумтаълим мактабида туман ҳудудида содир этилган жиноятлар юзасидан муҳокама йиғилиши бўлиб ўтди. Мазкур йиғилишда туман ҳокими Б. Мамаджанов, туман прокурори С. Мухторов ҳамда туман ИИО ФМБ бошлиғи А. Бахрамовлар иштирок этиб, жиноятчиликнинг олдини олиш, ёшлар ўртасида ҳуқуқбузарликларни камайтириш ҳамда профилактик чора-тадбирларни янада кучайтириш масалаларини муҳокама қилдилар. Шунингдек, йиғилишда 25 нафар Пробация ҳисобида турувчи маҳкумлар, 12 нафар жиноят содир этишга мойил бўлган, профилактик ҳисобда турган шахслар, шунингдек туманда фаолият олиб бораётган автомобиль ювиш шохобчалари ва умумий овқатланиш масканлари раҳбарлари ҳам иштирок этди. Йиғилиш давомида масъулларга аниқ вазифалар юклатилиб, ҳуқуқбузарликларнинг олдини олиш бўйича тегишли тавсиялар берилди. © Uchtepa tumani hokimligi Matbuot xizmati | Rasmiy kanali 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads