Post #43650

👉 Yashnobod tumanida “bo‘sh ish o‘rinlari” mehnat yarmarkasi o‘tkazildi Kuni kecha poytaxtimizning Yashnobod tumanida joylashgan Respublika kasbiy ko‘nikmalar markazida mehnat bilan band bo‘lmagan hamda tuman IIO FMB Probatsiya xizmati nazoratidagi shaxslarning bandligini ta’minlash maqsadida “bo‘sh ish o‘rinlari” mehnat yarmarkasi tashkillashtirildi. Unda qatnashgan 30 dan ortiq ish beruvchi korxona va tashkilotlar mas’ullari ishtirokchilarga taklif etilayotgan mavjud bo‘sh ish o‘rinlari haqida ma’lumotlarni taqdim etishib, ularni qiziqtirgan savollariga javoblar berishdi. Yashnobod tumani IIO FMB Probatsiya xizmati nazorati ostida turuvchi 25 nafar, shuningdek Mirzo Ulug‘bek, Bektemir, Mirobod va Yunusobod tumanlari IIO FMB Probatsiya xizmati ro‘yxatida turuvchi oltmishdan ortiq shaxslar qatnashgan tadbirda Yashnobod tumani IIO FMB Probatsiya ro‘yxatida turuvchi fuqarolarning 12 nafari ishga, bir nafari kasbga o‘qitish kurslariga yo‘llanma olishga muvaffaq bo‘lishdi. Shuningdek, mazkur tadbirni tashkillashtirgan mutasaddilar tomonidan kelgusida aholi bandligi va daromadini oshirishga e’tibor qaratilib, Probatsiya hamda profilaktik hisobda turuvchi mehnat bilan band bo‘lmagan yoshlar va xotin-qizlarning bandligini ta’minlash borasidagi ishlarni hamkorlikda tashkil etish bo‘yicha vazifalar belgilab olindi. _____ 👉Яшнобод туманида “бўш иш ўринлари” меҳнат ярмаркаси ўтказилди Куни кеча пойтахтимизнинг Яшнобод туманида жойлашган Республика касбий кўникмалар марказида меҳнат билан банд бўлмаган ҳамда туман ИИО ФМБ Пробация хизмати назоратидаги шахсларнинг бандлигини таъминлаш мақсадида “бўш иш ўринлари” меҳнат ярмаркаси ташкиллаштирилди. Унда қатнашган 30 дан ортиқ иш берувчи корхона ва ташкилотлар масъуллари иштирокчиларга таклиф этилаётган мавжуд бўш иш ўринлари ҳақида маълумотларни тақдим этишиб, уларни қизиқтирган саволларига жавоблар беришди. Яшнобод тумани ИИО ФМБ Пробация хизмати назорати остида турувчи 25 нафар, шунингдек Мирзо Улуғбек, Бектемир, Миробод ва Юнусобод туманлари ИИО ФМБ Пробация хизмати рўйхатида турувчи олтмишдан ортиқ шахслар қатнашган тадбирда Яшнобод тумани ИИО ФМБ Пробация рўйхатида турувчи фуқароларнинг 12 нафари ишга, бир нафари касбга ўқитиш курсларига йўлланма олишга муваффақ бўлишди. Шунингдек, мазкур тадбирни ташкиллаштирган мутасаддилар томонидан келгусида аҳоли бандлиги ва даромадини оширишга эътибор қаратилиб, Пробация ҳамда профилактик ҳисобда турувчи меҳнат билан банд бўлмаган ёшлар ва хотин-қизларнинг бандлигини таъминлаш борасидаги ишларни ҳамкорликда ташкил этиш бўйича вазифалар белгилаб олинди. Rasmiy sahifalarimizda bizni kuzatib boring! 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads