Post #43768

👉 Rasmiy ma’lumot Ijtimoiy tarmoqlarda haydovchi va bir nechta shaxslar o‘zaro janjallashganligi aks etgan video tarqalib, turli muhokamalarga sabab bo‘lmoqda. Mazkur holat yuzasidan quyidagilarni ma’lum qilamiz. Joriy yilning 9 fevral kuni Uchtepa tumani, Yusuf Sakkokiy mahallasi hududida, 2001 yilda tug‘ilgan “Isuzu” rusumli yuk avtomashina haydovchisi N.A. (yo‘lovchisi 2005 yilda tug‘ilgan X.N.) hamda fuqarolar: 1993 yilda tug‘ilgan S.S., 1990 yilda tug‘ilgan O.S., 2006 yilda tug‘ilgan S.A., 2008 yilda tug‘ilgan A.A. tortishib qolganligi va tomonlar o‘zaro janjallashib ketganligi aniqlangan. Janjal vaqtida yuk avtomashinasining yo‘lovchisi X.N. temir jism bilan fuqaro O.S. ning bosh qismiga urib tan jarohati yetkazgan. Mazkur holat yuzasidan Uchtepa tumani IIO FMB huzuridagi Tergov bo‘limi tomonidan O‘zbekiston Respublikasi Jinoyat kodeksining 277-moddasi (“Bezorilik”) bilan jinoyat ishi qo‘zg‘atilgan. Gumonlanuvchilar protsessual tartibda ushlangan. Tergov davom etmoqda. ——— 👉 Расмий маълумот Ижтимоий тармоқларда ҳайдовчи ва бир нечта шахслар ўзаро жанжаллашганлиги акс этган видео тарқалиб, турли муҳокамаларга сабаб бўлмоқда. Мазкур ҳолат юзасидан қуйидагиларни маълум қиламиз. Жорий йилнинг 9 февраль куни Учтепа тумани, Юсуф Саккокий маҳалласи ҳудудида, 2001 йилда туғилган “Isuzu” русумли юк автомашина ҳайдовчиси Н.А. (йўловчиси 2005 йилда туғилган Х.Н.) ҳамда фуқаролар: 1993 йилда туғилган С.С., 1990 йилда туғилган О.С., 2006 йилда туғилган С.А., 2008 йилда туғилган А.А. тортишиб қолганлиги ва томонлар ўзаро жанжаллашиб кетганлиги аниқланган. Жанжал вақтида юк автомашинасининг йўловчиси Х.Н. темир жисм билан фуқаро О.С. нинг бош қисмига уриб тан жароҳати етказган. Мазкур ҳолат юзасидан Учтепа тумани ИИО ФМБ ҳузуридаги Тергов бўлими томонидан Ўзбекистон Республикаси Жиноят кодексининг 277-моддаси (“Безорилик”) билан жиноят иши қўзғатилган. Гумонланувчилар процессуал тартибда ушланган. Тергов давом этмоқда. Rasmiy sahifalarimizda bizni kuzatib boring! 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads