Post #43837

👉RASMIY AXBOROT! Toshkent shahar IIBB huzuridagi Tergov boshqarmasi tomonidan “Demokrat.uz” internet nashri rahbari Mehmonov Fazlidinxon Asatilloxon o‘g‘li va blogerlik faoliyatini yurituvchi G‘oipnazarov Aziz Abdulla o‘g‘liga nisbatan O‘zbekiston Respublikasi Jinoyat kodeksining 165-moddasi 3-qismi “a” bandi bilan jinoyat ishi qo‘zg‘atilgan. Maʼlum bo‘lishicha, 2025 yilning 15 dekabr kuni Gumonlanuvchi G‘oipnazarov, Sergeli tumanida joylashgan avtosalonlardan birini faoliyatini obro‘sizlantiruvchi videomaterial tayyorlab, internet tarmog‘ida joylashtirgan. Shundan so‘ng “Demokrat.uz” internet nashri rahbari Mehmonov, G‘oipnazarovlar tomonidan tayyorlangan videolavhani ijtimoiy tarmoqlardan o‘chirish hamda ushbu nashr tomonidan tayyorlangan, tadbirkorni obro‘sizlantiruvchi alohida videolavhani OAVda joylamaslik evaziga, tovlamachilik yo‘li bilan jabrlanuvchidan jami 50.000 AQSH dollari talab qilgan. Mehmonov jabrlanuvchidan, joriy yilning 29 yanvar kuni 3 ming AQSH dollarini olib, so‘ng, joriy yilning 10 fevral kuni 17.000 AQSH dollarni olayotgan vaqtida, jinoyat ustida daliliy ashyolar bilan qo‘lga olingan. Hurmatli fuqarolar, Agar siz mazkur shaxslarning harakatlaridan jabr ko‘rgan bo‘lsangiz, eng yaqin Ichki ishlar organlariga yoki 102 qisqa raqamiga murojaat qilishingizni so‘raymiz. 👉РАСМИЙ АХБОРОТ! Тошкент шаҳар ИИББ ҳузуридаги Тергов бошқармаси томонидан “Демократ.уз” интернет нашри раҳбари Меҳмонов Фазлидинхон Асатиллохон ўғли ва блогерлик фаолиятини юритувчи Ғоипназаров Азиз Абдулла ўғлига нисбатан Ўзбекистон Республикаси Жиноят кодексининг 165-моддаси 3-қисми «а» банди билан жиноят иши қўзғатилган. Маълум бўлишича, 2025 йилнинг 15 декабрь куни Гумонланувчи Ғоипназаров, Сергели туманида жойлашган автосалонлардан бирини фаолиятини обрўсизлантирувчи видеоматериал тайёрлаб, интернет тармоғида жойлаштирган. Шундан сўнг «Демократ.уз» интернет нашри раҳбари Меҳмонов, Ғоипназаровлар томонидан тайёрланган видеолавҳани ижтимоий тармоқлардан ўчириш ҳамда ушбу нашр томонидан тайёрланган, тадбиркорни обрўсизлантирувчи алоҳида видеолавҳани ОАВда жойламаслик эвазига, товламачилик йўли билан жабрланувчидан жами 50.000 АҚШ доллари талаб қилган. Меҳмонов жабрланувчидан, жорий йилнинг 29 январь куни 3 минг АҚШ долларини олиб, сўнг, жорий йилнинг 10 февраль куни 17.000 АҚШ долларни олаётган вақтида, жиноят устида далилий ашёлар билан қўлга олинган. Ҳурматли фуқаролар, Агар сиз мазкур шахсларнинг ҳаракатларидан жабр кўрган бўлсангиз, энг яқин Ички ишлар органларига ёки 102 қисқа рақамига мурожаат қилишингизни сўраймиз. Rasmiy sahifalarimizda bizni kuzatib boring! 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads