Post #44004

👉Yoshlar bilan uchrashuv tashkil etildi Yangihayot tumani IIO FMB binosida Soliq qo‘mitasi raisi o‘rinbosari, tuman hokimi, tuman IIO FMB boshlig‘i, tuman soliq inspeksiyasi boshlig‘i hamda tuman hokimi o‘rinbosari ishtirokida rahbarlarga biriktirilgan hamda probatsiya nazoratida turgan yoshlar bilan ochiq va samimiy muloqot tashkil etildi. Uchrashuvdan ko‘zlangan asosiy maqsad — yoshlarning muammolarini bevosita joyida tinglash, ularni qiynayotgan ijtimoiy, huquqiy va maishiy masalalarga qonuniy yechim topishdan iborat bo‘ldi. Muloqot davomida yoshlar bandlik, kasb-hunar o‘rganish, hujjatlarni rasmiylashtirish, ijtimoiy moslashuv hamda kundalik hayot bilan bog‘liq muammolarini ochiq bayon qildilar. Bildirilgan har bir murojaat mas’ul tashkilotlar vakillari tomonidan qayd etilib, ularni qonunchilik doirasida ijobiy hal etish yuzasidan aniq topshiriqlar belgilandi. Shuningdek, yoshlarni to‘g‘ri yo‘lga yo‘naltirish, jamiyatga moslashuvini qo‘llab-quvvatlash hamda takroriy huquqbuzarliklarning oldini olish borasida tizimli ishlarni yanada kuchaytirish zarurligi alohida ta’kidlandi. 👉Ёшлар билан учрашув ташкил этилди Янгиҳаёт тумани ИИО ФМБ биносида Солиқ қўмитаси раиси ўринбосари, туман ҳокими, туман ИИО ФМБ бошлиғи, туман солиқ инспекцияси бошлиғи ҳамда туман ҳокими ўринбосари иштирокида раҳбарларга бириктирилган ҳамда пробация назоратида турган ёшлар билан очиқ ва самимий мулоқот ташкил этилди. Учрашувдан кўзланган асосий мақсад — ёшларнинг муаммоларини бевосита жойида тинглаш, уларни қийнаётган ижтимоий, ҳуқуқий ва маиший масалаларга қонуний ечим топишдан иборат бўлди. Мулоқот давомида ёшлар бандлик, касб-ҳунар ўрганиш, ҳужжатларни расмийлаштириш, ижтимоий мослашув ҳамда кундалик ҳаёт билан боғлиқ муаммоларини очиқ баён қилдилар. Билдирилган ҳар бир мурожаат масъул ташкилотлар вакиллари томонидан қайд этилиб, уларни қонунчилик доирасида ижобий ҳал этиш юзасидан аниқ топшириқлар белгиланди. Шунингдек, ёшларни тўғри йўлга йўналтириш, жамиятга мослашувини қўллаб-қувватлаш ҳамда такрорий ҳуқуқбузарликларнинг олдини олиш борасида тизимли ишларни янада кучайтириш зарурлиги алоҳида таъкидланди. © Yangihayot tumani hokimligi Matbuot xizmati 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads