Post #44681

👉Haftaning Payshanba kuni – Yoshlar bilan uchrashuv hamda Profilaktika kuni Davlatimiz rahbarining yoshlar bilan ishlash, ularning muammo va takliflarini joyida o‘rganish bo‘yicha bergan topshiriqlariga muvofiq, haftaning payshanba kuni “Yoshlar kuni” sifatida belgilangan. Yoshlar bilan manzilli ishlash – amaliy tadbirlar davom etmoqda Yoshlar o‘rtasida huquqbuzarliklarning oldini olish, ularning bo‘sh vaqtini mazmunli tashkil etish hamda vatanparvarlik tuyg‘ularini mustahkamlash maqsadida Sergeli tumani IIO FMB tomonidan tizimli ishlar olib borilmoqda. Shu munosabat bilan rahbarlarga biriktirilgan 65 nafar og‘ir toifadagi yoshlar bilan manzilli ishlash doirasida 2026-yil 12-mart kuni ular uchun “G‘alaba bog‘i”ga ma’naviy-ma’rifiy tashrif tashkil etildi. Tashrif davomida yoshlar mazkur majmuada joylashgan tarixiy yodgorliklar va ekspozitsiyalar bilan yaqindan tanishib, xalqimizning mardlik, jasorat va fidoyilik an’analari haqida batafsil ma’lumotlarga ega bo‘ldilar. Shuningdek, ular bilan samimiy muloqotlar o‘tkazilib, yoshlarning bo‘sh vaqtini mazmunli tashkil etish, sog‘lom turmush tarzini targ‘ib qilish, qonunlarga hurmat ruhida tarbiyalash hamda kelajakda jamiyatga foydali shaxs bo‘lib yetishishlari borasida tavsiyalar berildi. Mazkur ma’naviy-ma’rifiy tadbir yoshlar qalbida Vatanga muhabbat, tariximizga hurmat hamda kelajakka bo‘lgan ishonch tuyg‘ularini yanada mustahkamlashga xizmat qilmoqda. ——— 👉Ҳафтанинг Пайшанба куни – Ёшлар билан учрашув ҳамда Профилактика куни Давлатимиз раҳбарининг ёшлар билан ишлаш, уларнинг муаммо ва таклифларини жойида ўрганиш бўйича берган топшириқларига мувофиқ, ҳафтанинг пайшанба куни “Ёшлар куни” сифатида белгиланган. Ёшлар билан манзилли ишлаш – амалий тадбирлар давом этмоқда Ёшлар ўртасида ҳуқуқбузарликларнинг олдини олиш, уларнинг бўш вақтини мазмунли ташкил этиш ҳамда ватанпарварлик туйғуларини мустаҳкамлаш мақсадида Сергели тумани ИИО ФМБ томонидан тизимли ишлар олиб борилмоқда. Шу муносабат билан раҳбарларга бириктирилган 65 нафар оғир тоифадаги ёшлар билан манзилли ишлаш доирасида 2026-йил 12-март куни улар учун “Ғалаба боғи”га маънавий-маърифий ташриф ташкил этилди. Ташриф давомида ёшлар мазкур мажмуада жойлашган тарихий ёдгорликлар ва экспозициялар билан яқиндан танишиб, халқимизнинг мардлик, жасорат ва фидойилик анъаналари ҳақида батафсил маълумотларга эга бўлдилар. Шунингдек, улар билан самимий мулоқотлар ўтказилиб, ёшларнинг бўш вақтини мазмунли ташкил этиш, соғлом турмуш тарзини тарғиб қилиш, қонунларга ҳурмат руҳида тарбиялаш ҳамда келажакда жамиятга фойдали шахс бўлиб етишишлари борасида тавсиялар берилди. Мазкур маънавий-маърифий тадбир ёшлар қалбида Ватанга муҳаббат, тарихимизга ҳурмат ҳамда келажакка бўлган ишонч туйғуларини янада мустаҳкамлашга хизмат қилмоқда. © Sergeli tuman hokimligi | Xокимият Сергелийского района 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads