Post #44733

🇺🇿Ravshan Sultanxodjayev Yakkasaroy yoshlarining taklifini qabul qildi Bugun Yakkasaroy tumanidagi “KOR-UZ Textile Technopark” binosida Toshkent shahar Ichki ishlar bosh boshqarmasi boshlig‘i Ravshan Sultanxodjayevning Yakkasaroy yoshlari hamda “Yakkasaroy Yoshlari” volontyorlar guruhi a’zolari bilan uchrashuvi bo‘lib o‘tdi. Mazkur uchrashuv ochiq muloqot, yoshlarning tashabbuslarini qo‘llab-quvvatlash va ularni davlat idoralari faoliyati bilan yaqindan tanishtirish maqsadida tashkil etildi. Tadbirda Yakkasaroy tuman hokimi Nilufar Allabergenova, tuman IIO FMB boshlig‘i Alisher Murodov hamda bir qator mas’ul rahbarlar ishtirok etdilar. Uchrashuv davomida yoshlar o‘z fikr va takliflarini erkin bildirish imkoniga ega bo‘ldilar. Xususan, “Yakkasaroy Yoshlari” volontyorlar guruhi a’zolari Toshkent shahar Ichki ishlar bosh boshqarmasi faoliyati, zamonaviy imkoniyatlari va jamoat xavfsizligini ta’minlash borasida amalga oshirilayotgan ishlar bilan yaqindan tanishish maqsadida boshqarmada “Ochiq eshiklar kuni” tashkil etish taklifini ilgari surdilar. Yoshlarning ushbu tashabbusi Toshkent shahar Ichki ishlar bosh boshqarmasi boshlig‘i Ravshan Sultanxodjayev tomonidan qo‘llab-quvvatlandi. Uchrashuv joyidayoq u yoshlar bilan tez kunda Toshkent shahar Ichki ishlar bosh boshqarmasiga tashrif buyurib, boshqarmaning faoliyati, yaratilgan shart-sharoitlar va zamonaviy tizimlar bilan bevosita tanishishlari uchun imkoniyat yaratilishini ta’kidladi. Mazkur muloqot yoshlarning davlat idoralari faoliyatiga qiziqishini oshirish, ularni jamoat xavfsizligi va huquq-tartibot masalalariga kengroq jalb etish, shuningdek, yoshlar tashabbuslarini qo‘llab-quvvatlash borasida muhim qadam bo‘ldi. ——— 🇺🇿 Равшан Султанходжаев Яккасарой ёшларининг таклифини қабул қилди Бугун Яккасарой туманидаги “КОР-УЗ Техтиле Течнопарк” биносида Тошкент шаҳар Ички ишлар бош бошқармаси бошлиғи Равшан Султанходжаевнинг Яккасарой ёшлари ҳамда “Яккасарой Ёшлари” волонтёрлар гуруҳи аъзолари билан учрашуви бўлиб ўтди. Мазкур учрашув очиқ мулоқот, ёшларнинг ташаббусларини қўллаб-қувватлаш ва уларни давлат идоралари фаолияти билан яқиндан таништириш мақсадида ташкил этилди. Тадбирда Яккасарой туман ҳокими Нилуфар Аллабергенова, туман ИИО ФМБ бошлиғи Алишер Муродов ҳамда бир қатор масъул раҳбарлар иштирок этдилар. Учрашув давомида ёшлар ўз фикр ва таклифларини эркин билдириш имконига эга бўлдилар. Хусусан, “Яккасарой Ёшлари” волонтёрлар гуруҳи аъзолари Тошкент шаҳар Ички ишлар бош бошқармаси фаолияти, замонавий имкониятлари ва жамоат хавфсизлигини таъминлаш борасида амалга оширилаётган ишлар билан яқиндан танишиш мақсадида бошқармада “Очиқ эшиклар куни” ташкил этиш таклифини илгари сурдилар. Ёшларнинг ушбу ташаббуси Тошкент шаҳар Ички ишлар бош бошқармаси бошлиғи Равшан Султанходжаев томонидан қўллаб-қувватланди. Учрашув жойидаёқ у ёшлар билан тез кунда Тошкент шаҳар Ички ишлар бош бошқармасига ташриф буюриб, бошқарманинг фаолияти, яратилган шарт-шароитлар ва замонавий тизимлар билан бевосита танишишлари учун имконият яратилишини таъкидлади. Мазкур мулоқот ёшларнинг давлат идоралари фаолиятига қизиқишини ошириш, уларни жамоат хавфсизлиги ва ҳуқуқ-тартибот масалаларига кенгроқ жалб этиш, шунингдек, ёшлар ташаббусларини қўллаб-қувватлаш борасида муҳим қадам бўлди. ©Yakkasaroy tuman hokimligi Matbuot xizmati 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads