Post #44964

Tanlov. “Ichki ishlar organlari media nigohida“ nomli respublika tanlovi eʼlon qilinadi Oʻzbekiston Respublikasi Ichki ishlar vazirligi yurtimizda tinchlik-osoyishtalikni taʼminlash, mahallalarda xavfsiz muhitni yaratish, jamoat tartibini saqlash va fuqarolar xavfsizligini ishonchli himoya qilish borasida ichki ishlar organlarining boshqa huquq tartibot idoralari bilan hamkorlikdagi faoliyatini keng targʻib etish hamda mamlakatmiz huquq tartibot organlaridagi islohotlar mohiyatidan jamoatchilikni xabardor qilish maqsadida “Ichki ishlar organlari media nigohida” nomli respublika tanlovini eʼlon qiladi. Tanlov “Eng yaxshi maqola”, “Eng yaxshi eshittirish”, “Eng yaxshi koʻrsatuv”, “Eng faol jurnalist”, “Eng faol bloger”, “Eng yaxshi musiqali klip”, “Eng yaxshi film” va “Eng yaxshi serial” nominatsiyalari boʻyicha oʻtkaziladi. Ijodkorlar tomonidan joriy yil davomida ommaviy axborot vositalari, bosma nashrlar, tele- va radiokanallar hamda internetda eʼlon qilingan materiallar 2026-yilning 10-sentyabr kuniga qadar IIV Axborot xizmatiga biriktirilgan +998997978381 raqamiga Telegram ijtimoiy tarmogʻi orqali taqdim etishlari lozim. Gʻolib va sovrindorlar diplom hamda 10 milliondan 100 million soʻmgacha boʻlgan pul mukofoti bilan “25-oktyabr — Ichki ishlar organlari xodimlari kuni” munosabati bilan oʻtkaziladigan bayram tadbirida taqdirlanadi. Ichki ishlar vazirligi barcha media ijodkorlarni ushbu tanlovda faol ishtirok etishga chorlaydi. ——— Танлов. “Ички ишлар органлари медиа нигоҳида“ номли республика танлови эълон қилинади Ўзбекистон Республикаси Ички ишлар вазирлиги юртимизда тинчлик-осойишталикни таъминлаш, маҳаллаларда хавфсиз муҳитни яратиш, жамоат тартибини сақлаш ва фуқаролар хавфсизлигини ишончли ҳимоя қилиш борасида ички ишлар органларининг бошқа ҳуқуқ тартибот идоралари билан ҳамкорликдаги фаолиятини кенг тарғиб этиш ҳамда мамлакатмиз ҳуқуқ тартибот органларидаги ислоҳотлар моҳиятидан жамоатчиликни хабардор қилиш мақсадида “Ички ишлар органлари медиа нигоҳида” номли республика танловини эълон қилади. Танлов “Энг яхши мақола”, “Энг яхши эшиттириш”, “Энг яхши кўрсатув”, “Энг фаол журналист”, “Энг фаол блогер”, “Энг яхши мусиқали клип”, “Энг яхши фильм” ва “Энг яхши сериал” номинациялари бўйича ўтказилади. Ижодкорлар томонидан жорий йил давомида оммавий ахборот воситалари, босма нашрлар, теле- ва радиоканаллар ҳамда интернетда эълон қилинган материаллар 2026 йилнинг 10 сентябрь кунига қадар ИИВ Ахборот хизматига бириктирилган +998997978381 рақамига Телеграм ижтимоий тармоғи орқали тақдим этишлари лозим. Ғолиб ва совриндорлар диплом ҳамда 10 миллиондан 100 миллион сўмгача бўлган пул мукофоти билан “25 октябрь — Ички ишлар органлари ходимлари куни” муносабати билан ўтказиладиган байрам тадбирида тақдирланади. Ички ишлар вазирлиги барча медиа ижодкорларни ушбу танловда фаол иштирок этишга чорлайди. Website | Telegram | Facebook | Instagram | Youtube | Ok | TV