Post #45249

👉 Rasmiy ma’lumot Ijtimoiy tarmoqlarda noma’lum fuqaro Chilonzor tumanida jamiyatda yurish-turish qoidalarini buzganligi aks etgan video tarqalib turli muhokamalarga sabab bo‘lmoqda. Mazkur holat yuzasidan quyidagilarni ma’lum qilamiz. Joriy yilning 22 mart kuni Chilonzor tumanida joylashgan ko‘ngilochar maskanlarining birida, 1998 yilda tug‘ilgan A.Sh., jamiyatda yurish-turish qoidalarini qasddan mensimasdan, ustki kiyimini yechgan holatda harakatlanib jamoat tartibini buzgan. Bu harakatlari bilan A.Sh. fuqarolarning haqli e’tirozlariga sabab bo‘lgan. Mazkur holat yuzasidan Chilonzor tumani IIO FMB tomonidan A.Sh.ga nisbatan O‘zbekiston Respublikasi Ma’muriy javobgarlik to‘g‘risidagi kodeksining 183-moddasi (“Mayda bezorilik”), 194-moddasi (“Ichki ishlar organlari xodimining qonuniy talablarini bajarmaslik”) alomatlari bilan ma’muriy bayonnoma rasmiylashtirilgan. To‘plangan hujjatlar qonuniy chora ko‘rish uchun Jinoyat ishlari bo‘yicha tuman sudiga yuborilgan. ——— 👉 Расмий маълумот Ижтимоий тармоқларда номаълум фуқаро Чилонзор туманида жамиятда юриш-туриш қоидаларини бузганлиги акс этган видео тарқалиб турли муҳокамаларга сабаб бўлмоқда. Мазкур ҳолат юзасидан қуйидагиларни маълум қиламиз. Жорий йилнинг 22 март куни Чилонзор туманида жойлашган кўнгилочар масканларининг бирида, 1998 йилда туғилган А.Ш., жамиятда юриш-туриш қоидаларини қасддан менсимасдан, устки кийимини ечган ҳолатда ҳаракатланиб жамоат тартибини бузган. Бу ҳаракатлари билан А.Ш. фуқароларнинг ҳақли эътирозларига сабаб бўлган. Мазкур ҳолат юзасидан Чилонзор тумани ИИО ФМБ томонидан А.Ш.га нисбатан Ўзбекистон Республикаси Маъмурий жавобгарлик тўғрисидаги кодексининг 183-моддаси (“Майда безорилик”), 194-моддаси (“Ички ишлар органлари ходимининг қонуний талабларини бажармаслик”) аломатлари билан маъмурий баённома расмийлаштирилган. Тўпланган ҳужжатлар қонуний чора кўриш учун Жиноят ишлари бўйича туман судига юборилган. Rasmiy sahifalarimizda bizni kuzatib boring! 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads📲WhatsApp