Post #45315

👉 Rasmiy ma’lumot Ijtimoiy tarmoqlarda voyaga yetmagan qiz o‘gay onasi tomonidan qiynoqqa solinganligi haqida videomurojaati tarqalib turli muhokamalarga sabab bo‘lmoqda. Mazkur holat yuzasidan Toshkent shahar IIBB tomonidan tekshiruv o‘tkazilib, quyidagilar aniqlandi. 1985 yilda tug‘ilgan N.Sh. Yunusobod tumanida joylashgan yashash xonadonida o‘gay farzandi 2013 yilda tug‘ilgan N.G. ni bir necha marotaba urib, jismoniy tazyiq o‘tkazgan. Mazkur holat yuzasidan jabrlanuvchi muqaddam IIOga murojaat qilmagan. Hozirda voyaga yetmagan jabrlanuvchi Toshkent shahar IIBB Voyaga yetmaganlarga ijtimoiy-huquqiy yordam ko‘rsatish markaziga joylashtirilib, davlat organlari tomonidan himoyaga olingan. Mazkur holat yuzasidan Yunusobod tumani IIO FMB huzuridagi Tergov bo‘limi tomonidan gumonlanuvchi N.Sh. ga nisbatan O‘zbekiston Respublikasi Jinoyat kodeksining 110-moddasi («Qiynash») bilan jinoyat ishi qo‘zg‘atilgan. Tergov harakatlari to‘liq va har taraflama olib borilib, qonuniy qaror qabul qilinishi ta’minlanadi. Jinoyat ishi IIV tomonidan nazoratga olingan. ——— 👉Расмий маълумот Ижтимоий тармоқларда вояга етмаган қиз ўгай онаси томонидан қийноққа солинганлиги ҳақида видеомурожаати тарқалиб турли муҳокамаларга сабаб бўлмоқда. Мазкур ҳолат юзасидан Тошкент шаҳар ИИББ томонидан текширув ўтказилиб, қуйидагилар аниқланди. 1985 йилда туғилган Н.Ш. Юнусобод туманида жойлашган яшаш хонадонида ўгай фарзанди 2013 йилда туғилган Н.Г. ни бир неча маротаба уриб, жисмоний тазйиқ ўтказган. Мазкур ҳолат юзасидан жабрланувчи муқаддам ИИОга мурожаат қилмаган. Ҳозирда вояга етмаган жабрланувчи Тошкент шаҳар ИИББ Вояга етмаганларга ижтимоий-ҳуқуқий ёрдам кўрсатиш марказига жойлаштирилиб, давлат органлари томонидан ҳимояга олинган. Мазкур ҳолат юзасидан Юнусобод тумани ИИО ФМБ ҳузуридаги Тергов бўлими томонидан гумонланувчи Н.Ш. га нисбатан Ўзбекистон Республикаси Жиноят кодексининг 110-моддаси («Қийнаш») билан жиноят иши қўзғатилган. Тергов ҳаракатлари тўлиқ ва ҳар тарафлама олиб борилиб, қонуний қарор қабул қилиниши таъминланади. Жиноят иши ИИВ томонидан назоратга олинган. Rasmiy sahifalarimizda bizni kuzatib boring! 💻Facebook🖥Instagram📲Telegram💻VK📱OK📹YouTube🎥Mover🐤Twitter📲Threads📲WhatsApp