Post #233

🟢 O‘zbekistonda 2026 yildan chet el fuqarolari uchun yangi soliq rejimi joriy etiladi! 2026 yil 1-yanvardan boshlab O‘zbekistonda chet el fuqarolari uchun maxsus soliq rejimi amal qiladi. Endi chetdan olinadigan daromadlar uchun imtiyozli shartlar yaratiladi. Bu nimani anglatadi? 🧏🏻 Chet el fuqarolari O‘zbekistonning soliq rezidenti maqomini olib, chetdagi daromadlari uchun jismoniy shaxslardan olinadigan daromad solig‘ini to‘lamaydi. 👉 Buning uchun: ▫️ 50 000 AQSH dollari miqdorida maxsus yig‘im to‘lash (har bir yaqin qarindosh uchun 10 000 AQSH dollari) ▫️ O‘zbekistonda vakolatli tijorat bankida bank hisobvarag‘i yoki vakolatli kriptobirjada kripto-akkaunt ochish 👉 Qo‘shimcha talablar: ▫️ O‘zbekistonda ketma-ket 12 oy ichida jami 30 kundan ortiq bo‘lish ▫️ O‘zbekiston hududida turar joyga egalik qilish yoki ijaraga olish 👉 Maxsus soliq rejimi berilishi bo‘yicha Komissiya qaror qabul qiladi (arizani 5 ish kuni ichida ko‘rib chiqadi) Bu nima uchun kerak? O‘zbekistonga investorlar jalb qilish maqsadida, Yevropadagi "golden visa" va soliq imtiyozlariga o‘xshash maxsus sharoitlar yaratmoqda. Bu iqtisod uchun yangi imkoniyat! ❗️E’tibor bering: biznesini O‘zbekistonda yuritmoqchi yoki bu yerda yashashni istagan chet elliklar uchun katta yangilik!