Post #3965

🇺🇿O‘zbekiston Respublikasi Davlat bayrog‘i qabul qilingan kun bilan barchangizni tabriklayman! Hurmatli hamkasblar, o‘qituvchilar va aziz yoshlar! 18-noyabr kuni yurtimiz tarixida muhim sana — O‘zbekiston Respublikasi Davlat bayrog‘i qabul qilingan kun keng nishonlanadi. Shu munosabat bilan sizlarni chin qalbimdan muborakbod etaman. Davlat bayrog‘imiz — mustaqilligimiz ramzi, milliy g‘ururimiz, Vatanimizning sha’ni va qadr-qimmatini ifoda etuvchi muqaddas timsoldir. Undagi har bir rang va belgi — xalqimizning ezgu orzulari, mardligi va buyuk kelajakka bo‘lgan ishonchining yorqin aksidir. Bugun yoshlarimizning qalbida Vatanga muhabbat, milliy iftixor, yurtga sadoqat tuyg‘usini mustahkamlash — bizning ustuvor vazifamizdir. Shu yo‘lda har bir ta’lim muassasasidagi o‘quvchi-yoshlarimiz bayrog‘imizni yuksak hurmat bilan qadrlashini, uni hayotiy faoliyatida bosh mezon sifatida asrashini tilab qolaman. Yurtimiz osmonida doimo bayrog‘imiz hilpirab tursin! Mustaqilligimizning timsoli bo‘lgan bayrog‘imiz ostida mamlakatimiz ravnaqi, yoshlarimizning porloq kelajagi yo‘lida birgalikda halol va fidokorona xizmat qilishda davom etamiz. Bayrog‘imiz qabul qilingan kun muborak bo‘lsin! telegram | facebook | instagram