Post #130

​​Юқорида кўрсатилган хусусиятлар брэнд қийматини аниқлаш учун қўлланилади. Бу – брэнднинг асосий тавсифидир. Уни ўлчаш услублари ҳар хил ва кўпсонлидир. Улардан энг машҳури Тhe Brand Consulting ва Interbrand консалтинг компанияларининг методикаси ҳисобланади. Interbrand йирик дунё брэндларини мунтазам равишда баҳолаб боради. 2000 йилдаги охирги баҳолашларга кўра, энг қиммат мегабрэнд Соса-Соlа бўлиб, у $72, 5 млрд.ни ташкил қилмоқда. Microsoft- Windows компаниясининг суб-брэнди кейинги йилда деярли чорак баравар кўпайди ва $70, 2 млрд.ни ташкил қилди. Соса-Соlа фирмаси раҳбарларининг уларнинг брэнди фирманинг қолган бошқа барча мулкидан ҳам қимматроқ баҳоланиши ҳақидаги гаплари объектив асосга эга. Буни Interbrand экспертларининг баҳолаши ҳам тасдиқлайди. Экспертларнинг таъкидлашича, ушбу компания брэндининг қиймати бозор капитализациясида 51%ни ташкил қилади. Амалиётда брэнднинг нархи компаниянинг нархидан ҳам кўпроқ бўлган ҳоллар ҳам учраган. Масалан, Рhillip Morris компанияси Кraft Food фирмасини $13 млрд. долларга сотиб олган. Бу ушбу фирманинг баланс қийматидан етти баробар ортиқдир. Ривожланган мамлакатлар иқтисодий амалиётида марка капитали тушунчаси ҳам фаоли ишлатилади. Дарвоқе, мамлакатимиз иқтисодий амалиётида ҳам муайян реал маблағ баҳосига эга бўлиб бормоқда. Бугун уларнинг қиймати фирма бухгалтер балансининг «Номоддий активлар» бўлимида ҳисобга олиниши мумкин. Банклар брэндга эгалик ҳуқуқини муайян интеллектуал мулкка эгалик тарзида кўриб чиқиш ва кредит беришда ундан гаров сифатида фойдаланиши мумкин. Агар брэндингга маркетинг нуқтаи назаридан қараладиган бўлса, у брэнд яратиш ва уни бошқаришга йўналтирилган маркетинг технологиялари турларидан биридир. Бундай тор ёндашувдар келиб чиқиб, брэндингни унинг эгаси бўлган фирма нуфузини ўз ичига оладиган ва мақсадли бозор сегментининг брэндга муносабатини шакллантирадиган махсус истеъмол таассуроти уйғотиш бўйича маркетинг фаолияти сифатида таърифлаш мумкин. Брэндингнинг асосий маркетинг мақсадлари ўз ичига қуйидагиларни олади: 1) брэнд яратиш; 2) брэндни кучайтириш; 3) брендни жойлаштириш ва ўрнини алмаштириш (позициялаштириш ва репозициялаштириш); 4) брэндни ривожлантириш босқичларини янгилаш ва ўзгартириш; 5) брэндни кенгайтириш ва чуқурлаштириш (мустаҳкамлаш). «Реклама фаолиятини ташкил этиш» фанидан Набиев Д. Х. маълумот жўнатди#dilshodIsmoilovdio 🎓Design academy