Post #51128

Илон Маскга қарши янги айбловлар қўйилди Инвесторлар Tesla ва SpaceX компаниялари раҳбари Илон Маск устидан судга мурожаат қилишди – жамоавий даъво Нью-Йорк жанубий округи федерал округ судига юборилди. Миллиардер криптовалюта билан инсайдер савдоси ва бозорни манипуляция қилишда айбланмоқда, деб хабар беради Reuters. Инвесторлар тадбиркор Dogecoin криптовалютаси нархини икки йил ичида атайлаб 36 минг фоиздан кўпроққа оширганига, кейин эса атайлаб котировкаларнинг қулашига йўл қўйганига амин. Айбловларга кўра, крипто инвесторлари Маскнинг манипуляцияси туфайли миллиардлаб доллар йўқотишган. Даъвогарларнинг сўзларига кўра, тадбиркор Twitter ижтимоий тармоғида махсус хабарлар ёзган, блоггерлар иши ва реклама учун пул тўлаган, шунингдек, 2021 йилда NBC каналида Dogecoin'ни тарғиб қилиш ва криптовалютани фойдали савдо қилиш учун атайлаб пайдо бўлган. Энг сўнгги хабарларга обуна бўлинг:👉 @sofuzb