Post #51300

«Титаник» йўловчисининг мактуби Уругвайдаги аукционда 12 минг долларга сотилди Уругвайдаги аукционда «Титаник» йўловчисининг лайнер бортида ёзилган хати 12 минг долларга сотилди, дея хабар беради ТАSS агентлиги. EFE агентлиги маълумотларига кўра, 1912 йил 11 апрелда уругвайлик Рамон Артагавейтия Гомес ўз укасига хат ёзган. У хат Ирландиядан жўнатилган эди, у ер эса «Титаник» Атлантика океанини кесиб ўтишдан олдин охирги тўхташ жойи бўлган. Zorilla аукцион уйи веб-сайтида айтилишича, Артагавейтия Гомеснинг укаси кейинчалик саҳифалардан бирига: «Севимли акам Рамоннинг менга ёзган охирги хати. У уч кундан кейин Титаник ҳалокатга учради ва чўкиб кетди» деб ёзиб қўйган. Infobae интернет порталига кўра, лот бошланғич нархда сотилган. Харидорнинг исми ошкор этилмаган. Титаник 1912 йил 14 апрелдан 15 апрелга ўтар кечаси айсберг билан тўқнашиб, чўкиб кетди. Англиянинг Саутгемптонидан Нью-Йоркка илк йўл олган лайнер бортида жами 2224 киши бўлган, улардан 1513 нафари ҳалок бўлди. Кема парчалари 1985 йилда Канададаги Ньюфаундлен соҳилидан 600 км узоқликда, 3,8 км чуқурликда топилган. Энг сўнгги хабарларга обуна бўлинг:👉 @sofuzb