Post #51333

Хитой "чип уруши"да АҚШга яна зарба берди 1 августдан бошлаб Хитой ҳукумати галий ва германий, бошқа нарсалар қаторида чиплар ишлаб чиқариш учун ишлатиладиган нодир материалларини экспорт қилишни чеклайди. Бу ҳақда Market Watch мамлакат Савдо вазирлигига таяниб хабар берди. Хитойдан етказиб берувчилар маҳаллий Савдо вазирлигидан экспорт лицензиясини олишлари керак. Бундай ҳолда, материаллардан қандай мақсадларда фойдаланиш режалаштирилганлигини кўрсатиш керак бўлади. Галлий ва германий билан боғлиқ товарларга экспорт назорати жорий этилишини вазирлик миллий хавфсизлик ва манфаатларни ҳимоя қилиш сифатида изоҳлади. Хитой ноёб тупроқ металларини тўлиқ ишлаб чиқариш циклига эга дунёдаги ягона давлатдир. Мамлакат, турли ҳисоб-китобларга кўра, жаҳон бозорининг 60 дан 85 фоизигача назорат қилади. Хитой расмийларининг қарори йиллар давомида давом этаётган “чип уруши”нинг навбатдаги қадами бўлди. 2022 йил октабр ойида Қўшма Штатларнинг ўзи мамлакатга юқори технологияли бутловчи қисмлар етказиб беришга чекловлар киритди. Олти ойдан сўнг, 2023 йил апрел ойида Хитой Давлат Интернет-ахборот департаменти Америка чип ишлаб чиқарувчи Micron Technology компаниясига қарши тергов бошлади. Агентлик компания маҳсулотларини импорт қилиш билан боғлиқ хавф-хатарлардан хавотирда эканлигини билдирди. Май ойида Micron синовдан ўта олмагани ва энди ўз маҳсулотларини маҳаллий муҳим инфратузилма операторларига сота олмаслиги маълум бўлди. Энг сўнгги хабарларга обуна бўлинг:👉 @sofuzb