Post #51759

Украинанинг сабзавот ва меваларга мумкин бўлган эмбаргосининг Польша учун оқибатлари баҳоланмоқда Украинанинг сабзавот ва меваларни олиб киришга қўйган эмбаргоси ​​Польшага ойига 8,7 миллион долларга тушиши мумкин, дея хабар беради “РИА Новости” Украина божхона маълумотларига асосланиб. Қайд этилишича, 2023 йилнинг саккиз ойи давомида Украина Польшадан 60,4 миллион долларлик 64,2 минг тонна сабзавот ва 8,8 миллион долларлик 9,4 минг тонна мева импорт қилган. Пиёз ишлаб чиқарувчилари асосан етказиб беришни тақиқлашдан азият чекишади. Бу маҳсулот Польшадан Украинага сабзавот ва мевалар етказиб беришнинг 23 фоизини ташкил қилади. Помидор (20 фоиз улуш), музлатилган сабзавотлар (12 фоиз) ва карам (9 фоиз) ишлаб чиқарувчилари ҳам зарар кўради. Киев учун эмбарго ҳам оқибатларсиз бўлмайди, чунки Польша музлатилган сабзавотлар, олма, нок, беҳи, дуккакли ва пиёз, шунингдек консерваларнинг асосий манбаларидан биридир. Эслатиб ўтамиз, аввалроқ Украина иқтисодиёт вазири ўринбосари ва савдо вакили Тарас Качка Киев Польша, Венгрия ва Словакия томонидан Украина ғалласини олиб кириш тақиқлангани сабабли Жаҳон савдо ташкилотига (ЖСТ) даъво аризаси бераётганини маълум қилганди. Унга кўра, Украина ҳам Варшаванинг ҳаракатларига жавоб беришга ва Полшадан сабзавот ва меваларни олиб киришга тақиқ жорий этишга мажбур бўлади. Энг сўнгги хабарларга обуна бўлинг:👉@sofuzb