Altruist

https://youtu.be/UqcW8V2z44c?si=oL6rSGbF85FBFHtg

Kitob o'qish haqida... "Agar baxtli yashashni xohlasangiz kitob o'qimang." Juda g'alati eshitilishi mumkun, lekin siz qancha ko'p bilganingiz sari shunchalik "odam"lardan uzoqlashib, yolg'izlanasiz. O'zimni ko'p kitob o'qigan demoqchi emasman, ammo shu bir necha arzirli kitoblarni o'zi jamiyatdan ajralib qolishimga yetarli bo'ldi. Aytishingiz mumkun: "unda o'qima!" ha eshitilishidan juda oson tuyuladi, biroq tangani 2-tomoni ham bor. Siz endi haqiqatni bilib turib uni ko'rmaganga olib yashay olmaysiz.

Qisqa qilib aytganda "Sentimental value"ni yapon versiyasi desa ham bo'ladi, teatr, aktyorlar, ko'z yoshlar. Bu yerda har kimning o'z og'rig'i bor, lekin filmning oxirigicha hech kim tan olishni xohlamaydi. Ssenariy shunchalik yaxshi yozilgan-ki, har bitta detal personajlarning qaysidir qirralarini ochib beradi. Sen har bitta dialogni diqqat bilan eshitasan va o'ylaysan "bu gap qaysi jumboqni yechishga yordam berar ekan?", lekin filmning birinchi kadrlardan gap kim haqida ketayotganligi payqaysan. Drive my car (2021)

Kecha juda ko'p vaqt orqaga surib kelgan filmim "Stalker"ni tomosha qildim. Menimcha ushbu film IYMON haqidagi eng yaxshi asar bo'lsa kerak! Filmdagi stalkerning kuch va ojizlik haqidagi monologi yaqqol xotiramda muhrlanib qoldi. "Barcha ojiz va begunoh bo'lib tug'iladi, lekin keyinchalik kuchga erishgani sababli odamzod o'z yaratuvchisi unuta boshlaydi." Taxminan shunday ma'nodagi monolog edi. Maktabda vatan tuyg'usi nomli fan bo'lar edi, uning ichida "komil inson" nomli tushuncha har yili o'tilar edi. Mening tushunishim bo'yicha "komil inson" atamasini ushbu su'ratdagi personajlarga ishlatsa bo'ladi. Bu personajlarning bari tashqi ko'rinishidan ulg'aygan bo'lsa ham ichida hali hamon sodda, ishonuvchan yosh bolalardir. Ular o'z ojizligini tushunadi va qabul qiladi, ular o'lim nomli haqiqat oldida ilojsiz ekanliklarini bilishadi va shu xislatlari sabali ularning insoniyligini saqlab qolinadi.

Sen tomosha qilasan, lekin xuddi filmni ichida o'zingni aksingni ko'rayotgandek bo'lasan. Personajlar bilan birga o'z dardingga da'vo qidirasan, hech kimni ayblamaysan va oqlamaysan ham. Har kimni o'z qorong'u va yorug' tomonlari bor, har kim baxtga intiladi, har kim yolg'izligidan qutulgisi keladi, lekin har kimning bunga yetishish yo'li har xil. Bu filmni tomosha qilish uchun uni yo yashab o'tish kerak yokida his qilish kerak. Sentimental value (2025)

Bunday bulutlar o'zimizning toshkentda ham bor ekan)

Kichkinaligimda ko'rinmas odam bo'lishni orzu qilardim va katta bo'lib bunga erishdim. Manba:IG

Bunday bulutlar o'zimizning toshkentda ham bor ekan)