Post #677

Қамоқда сақланган кун ҳам муддат Ҳимоям остидаги шахс С.га ЖИБ Яшнобод туман судининг ҳукми билан 2 йил муддатга озодликни чеклаш жазоси тайинланган. ЖКнинг 62-моддаси тартибида С.нинг қамоқда сақланган 3 ой 22 кунлари чегирилиб, жазо муддати 1 йил 8 ой 8 кунга келтирилган. Хуллас у суд томонидан тайинланган жазонинг 1/3 қисмини тўлиқ ўтаганлиги сабабли, ЖКнинг 73-моддаси тартибида уни жазони ўташдан муддатидан илгари шартли равишда озод қилиш ҳақида ЖИБ Янгиҳаёт туман судига илтимоснма киритдим. Бироқ, судья С.нинг қамоқда сақланган 3 ой 22 кунини ҳисобга олмасдан, ҳали муддат келмаганлигини важ қилиб илтимосномани рад қилди. Ваҳоланки, Олий суд Пленумининг 27.12.2016 йилдаги 28-сонли қарорида ЖКнинг 73,74-моддаларини қўллашда ҳукм қонуний кучга киргунга қадар ушлаб турилган, қамоқда, уй қамоғида сақланган вақтни ҳам ҳисобга олиш зарурлиги белгиланган. Шунга кўра, суднинг ушбу ноқонуний қароридан норози бўлиб Тошкент шаҳар судига шикоят киритдик ва шикоятимиз қаноатлантирилди. P.S.Ҳурматли судьялар, ЖКнинг 73-74-моддаларига асосан иш кўришда пробация гуруҳи ходимларининг гапига эмас, қонунга таяниб иш кўринглар, ахир ҳаммамиз юристмиз-ку. 📱Telegram | 📱Instagram | 📱Facebook |📱Youtube |📱Threads