Post #13475

️ Jámietlik transport - teń imkaniyatlar hám insan qádiri belgisi! 🚌 Nókis qalası jámietlik transportınıń mayıplıǵı bolǵan shaxslarǵa qolaylıǵı boyınsha Ózbekstan Mayıplar associaciyası Qaraqalpaqstan Respublikası aymaqlıq bólimi, Sociallıq Inspekciya hám Transport qadaǵalaw inspekciyası menen birgelikte Jámietlik qadaǵalaw ilajları ótkerildi. 🔍 Qadaǵalaw ilajı dawamında jámietlik avtobuslarda tómendegi sharayatlardıń bar ekenligi kózden ótkerildi: 🔹 Panduslar hám úskeneler: Avtobuslarda arbashalarda háreketlenetuǵın shaxslar ushın panduslardıń ápiwayılıǵı. 🔹 Arnawlı orınlar: Salonda mayıplıǵı bolǵan shaxslar ushın ajıratılǵan orınlıqlar hám olardıń belgileniwi. 🔹 Málimleme ortalıǵı: Esitiw hám kóriw imkaniyatı sheklengen jolawshılar ushın bándirgilerdi járiyalaw sisteması hám málimleme tabloları. 🔹 Aydawshılar mádeniyatı: Aydawshılardıń imkaniyatı sheklengen jolawshılarǵa xızmet kórsetiw boyınsha kónlikpeleri. Maqset: Qala transportlarınan paydalanıwda barlıq puqaralar ushın teńdey imkaniyatlar jaratıw hám "tosqınlıqsız ortalıq" principlerin turmısqa engiziw.