Post #22702

МЕДИЦИНАЛЫҚ ТУРИЗМ ФОРУМЫ: ҚАЗАҚСТАН – КАРДИОХИРУРГИЯ МЕН ТРАНСПЛАНТОЛОГИЯ САЛАСЫНДАҒЫ ӘЛЕМДІК КӨШБАСШЫЛАРДЫҢ ҚАТАРЫНДА 📌 Бүгінде қазақстандықтарға жүрекке жасалатын оталар, ағза ауыстыру және заманауи оңалту тәсілдері секілді жоғары технологиялы медициналық көмектің 80 түрі қолжетімді. Бұл туралы бүгін Астанада өткен «Қазақстан Республикасындағы медициналық туризмді дамыту: болашағы мен мүмкіндіктері» атты алғашқы халықаралық конференция барысында Денсаулық сақтау министрі Ақмарал Әлназарова атап өтті. 🔆 Қазақстанның кардиохирургия қызметі әлемнің үздік 30 елінің қатарына кіреді. Соңғы 15 жылда жүрек-қан тамырлары ауруларынан болатын өлім-жітім үш есеге азайды. 🔷 Орталық Азия аймағындағы жетекші қазақстандық кардиохирургиялық клиника төмендегі халықаралық бағдарламалар бойынша сертификатқа ие: • «Созылмалы жүрек жеткіліксіздігі» • «Жасанды сол жақ қарыншаны имплантациялау» Бұл орталықтың есігін шетелдік науқастар үшін ашуға мүмкіндік берді. 🔷 Клиника мамандарының жетістіктері: ● 86 жүрек трансплантациясы ● 460 жасанды сол жақ қарыншаны имплантациялау ● 17 өкпе ауыстыру операциясы ● Толық жасанды жүректі имплантациялау және кейін жүрек трансплантациясы – 3 жағдай 🔆 Соңғы 10 жылда елімізде интервенциялық операциялардың саны 3 есеге артты. 🔆 Қазіргі таңда Қазақстанда 42 коронарлық араласу орталығы және 89 ангиографиялық қондырғы жұмыс істейді. 🔆 2012 жылдан бері ашық жүрекке жасалатын операциялардың саны 2 есеге өсіп, қан айналымы жүйесі ауруларынан болатын өлім-жітімнің айтарлықтай төмендеуіне ықпал етті. 🔆 Қазақстанда трансплантологияны дамыту үшін барлық жағдай жасалған. Елде жыл сайын 250–260 бүйрек, бауыр және жүрек ауыстыру операциясы жасалады. ➡️ Денсаулық сақтау министрлігі заңнамалық базаны жетілдіру, донорлықты дамыту және трансплантациялық көмектің қолжетімділігін арттыру бағытында жұмыстарды жалғастыруда. 🚀https://t.me/DenMinPR