Post #22847

АСТАНАДА БОСАНДЫРУ ҚЫЗМЕТІНІҢ АРДАГЕРЛЕРІ МАРАПАТТАЛДЫ 📌Астанада ҚР Денсаулық сақтау министрлігінің, University Medical Center КҚ, «Назарбаев Университеті» ДББҰ, «Әйелдер денсаулығы» қазақстандық акушер-гинекологтар қауымдастығының және Қазақстандық репродуктивті медицина қауымдастығының қолдауымен Назарбаев Университетінің Медицина мектебінің базасында ұйымдастырылған акушер-гинекологтар конгресі өтті. Ана мен баланың денсаулығын сақтауға елеулі үлес қосқан босандыру қызметі ардагерлері конгресінің шеңберінде «Мамандығына адал жандар» медалдары табысталды. 📌Конгреске 2,6 мыңнан астам маман қатысты. Дәрігерлер акушерлік-гинекологиялық көмек пен гравидаралдық дайындықты ұйымдастырудан бастап акушерлік, ұрық медицинасы, гинекологиялық эндокринология және балалар-жасөспірімдер гинекологиясындағы шұғыл жағдайларға дейінгі өмірдің барлық кезеңдеріндегі әйелдер денсаулығы мәселелерін талқылады. Қазақстан тәуелсіздік алған жылдары босану қызметі айтарлықтай нәтижелерге қол жеткізді: нәресте өлімі 6,5 есе, ана өлімі 4,5 есе төмендеді. Бүгінде елімізде әйелдерді қолдаудың заманауи нысандары белсенді дамып келеді: әйелдер консультацияларының жұмысы қалпына келтірілді, қауіп тобындағы жүкті әйелдерге арналған «Салауатты Ана» пансионаттары құрылды, 22 Ұрықты сақтау орталығы және бір күндік 18 клиника жұмыс істейді. 🔹«Аналар саулығы» бағдарламасын іске асыруға 5,1 млрд теңге бөлінді, жүкті әйелдердің жағдайын мониторингілеу үшін 20 ситуациялық және оқу-тренингтік орталықтар ұйымдастырылды. Тәжірибе алмасуға ерекше назар аударылды. Сондай-ақ, Конгрестің шеңберінде ұрық хирургиясы бойынша мастер-класс өтті. В. И. Кулаков (Ресей) атындағы ҰМЗИ-дан м.ғ. д. Кирилл Костюковтың басшылығымен фето-феталдық трансфузиялық синдромы бар құрсақішілік ұрыққа екі операция жасалды. 🚀https://t.me/DenMinPR