Post #22862

АСТАНАДА ДЕНСАУЛЫҚ САҚТАУ МИНИСТРЛІГІ ЖЫЛ САЙЫНҒЫ«БЕДЕЛДІ БАЛАЛАР АУРУХАНАСЫ – 2025» БАЙҚАУЫНЫҢ ҚОРЫТЫНДЫСЫН ШЫҒАРДЫ 📌Бүгін Астанада республика күніне арналған салтанатты іс-шара шеңберінде Денсаулық сақтау министрлігі «Беделді балалар ауруханасы» байқауының қорытындысын шығарды. 🏥 Алматы қаласының Балаларға шұғыл медициналық көмек көрсету орталығы және Солтүстік Қазақстан облысының көпбейінді балалар облыстық ауруханасы - жеңімпаздар болып атанды. 🔹 Алматы қаласының Балаларға шұғыл медициналық көмек көрсету орталығы - 1965 жылы құрылған Қазақстанның ең көне және жетекші мамандандырылған медициналық мекемелерінің бірі. БШМКО жарты ғасырдан астам уақыт бойы балаларға шұғыл және жоспарлы медициналық көмек көрсетіп, балалар хирургиясы мен қарқынды терапия саласындағы озық мәртебесін сақтап келеді. ✔️ Жыл сайын мұнда 110 мыңнан астам пациент көмекке жүгінеді, оның ішінде 21 мыңнан астам бала стационарлық емдеуден өтеді. БШМКО көпбейінді балалар стационары болып табылады, медициналық қызметтердің жоғары деңгейін, мамандардың біліктілігін және халықаралық денсаулық сақтау стандарттарына сәйкестігін растайтын аккредиттеудің жоғары санатына ие. 🔹 Солтүстік Қазақстан облысының көпбейінді облыстық балалар ауруханасы 1983 жылдан бастап жұмыс істейді және өңірде 0 жастан 18 жасқа дейінгі балаларға жоспарлы, шұғыл, стационарлық және консультациялық көмек көрсететін жалғыз медициналық ұйым болып табылады. ✔️ Мұнда жыл сайын 16 000-нан астам бала ем алады, 60 000-ға жуық консультациялық қызмет көрсетіледі, 1 800-ден астам бала амбулаториялық оңалтудан өтеді. Бұл байқау балаларға медициналық көмектің сапасын арттыруға және балалар ауруханаларына қоғамның сенімін арттыруға бағытталған. 📌 Денсаулық сақтау министрлігі дәрігерлерге, мейіргерлерге және балалар ауруханаларының барлық қызметкерлеріне жоғары біліктілігі, адалдығы және кішкентай пациенттерге шынайы қамқорлығы үшін алғыс білдіреді. Сіздердің жетістіктеріңіз қоғамның сенімін нығайтады және елдің бүкіл педиатриялық қызметі үшін жоғары сапа деңгейін айқындайды. 🚀https://t.me/DenMinPR