Post #22907

📌 Әрқайсымыз өмір бойы денсаулық сақтау жүйесімен бетпе-бет келеміз. Ал сол жүйеге алғашқы «кіру нүктесі» — емхана немесе алғашқы медициналық-санитариялық көмек (МАСК) ұйымы. Дәл осы жерде азамат пен медицина арасындағы сенім қалыптасады, аурудың алдын алу және алғашқы көмек көрсету басталады. 🔷 Бұл бейнероликте біздің дәрігеріміз Фазылбек Мейрамұлы Құмарбеков науқастардың жайлылығы мен көрсетілетін көмектің сапасын арттыру мақсатында емханаларда енгізіліп жатқан өзгерістер туралы егжей-тегжейлі айтып береді. Қазір не істелді және қандай енгізілді? 🔆 МАСК көрсетудің жаңа стандарты енгізілуде. Соған сәйкес жалпы практика дәрігерінің (ЖПД) қабылдау уақыты 6 сағатқа дейін ұзартылды. Бұл қабылдауға жазылу кезегін 1–2 күнге дейін қысқартуға мүмкіндік береді. 🔆 Маңызды жаңалықтардың бірі — созылмалы аурулары бар науқастарды бақылау үшін мейіргердің жеке қабылдауын енгізу. Бұл халықтың алғашқы медициналық көмекпен қамтылуын 80%-ға дейін арттыруға жол ашады. Науқастардың бағыты: дәрігердің қабылдауына қалай оңай жазылуға болады 📌Енді кейбір жағдайларда жалпы практика дәрігерінің жолдамасынсыз медициналық көмек алуға болатын нақты және ыңғайлы ережелер енгізілді: • жарақаттар (офтальмологиялық және ЛОР-ағзалар жарақаттары қоса алғанда); • жедел және жоспарлы стоматологиялық жағдайлар; • дерматовенерологиялық аурулар; • акушер-гинеколог пен психолог қабылдауы; • онкологиялық және гематологиялық ауруларға күдік туындаған жағдайлар; • бір жағдай шеңберіндегі қайталама қабылдаулар. 📱 Сонымен қатар, созылмалы аурулары бар науқастар енді Damumed қосымшасы немесе Сall-орталық арқылы бейінді мамандарға өз бетінше жазыла алады. Бейінді мамандар да науқасты қосымша тексеріске жібере алады және оны жалпы практика дәрігерінен жаңа жолдама алмай-ақ қайталама қабылдауға жазып бере алады. 📹 Толығырақ бейнероликтен көріңіз және достарыңызбен бөлісіңіз! 🚀https://t.me/DenMinPR