Post #22972

ҚОСТАНАЙ ОБЛЫСЫНЫҢ ЖЕДЕЛ ЖӘРДЕМ ҚЫЗМЕТІ БАРСЕЛОНАДАН КЕЛГЕН САЯХАТШЫ НЭНСИГЕ КӨМЕК КӨРСЕТТІ 📌 Аманқарағай ауылында ерекше оқиға болды. Шақыртудан қайтып келе жатқан жедел жәрдем бригадасы жол бойында тоқтап қалған автокөлікті байқайды. Ішінде әйел адам отырған екен. 🔷 Белгілі болғандай, ол – Қытайда туған, 57 жастағы саяхатшы Нэнси. Ұзақ жылдар Норвегияда өмір сүріп, қазіргі кезде Барселона қаласында тұрады. Тілдерді және әлемді тануға құмар. Бірнеше ай бұрын Нэнси автосаяхатқа аттанған. Алдымен Шанхайға ұшып барып, сол жерде автокөлік-үй сатып алған. Сол көлігімен Еуразия арқылы Еуропаға жол тартқан. Әулиекөл аудандық жедел жәрдем станциясының қызметкерлері Нэнсиді өз станцияларында паналатты. Жылытты, тамақ берді, қан қысымын, қант деңгейін және дене қызуын өлшеді. ⏩ Әйелдің жағдайы қанағаттанарлық. Дегенмен фельдшерлердің кеңесімен және ауа райының қолайсыздығын ескере отырып, Нэнси түнді Аманқарағайда өткізетін болды. Ертең сапарын жалғастырады. Станция жүргізушілері аккумуляторды қуаттап, көліктегі ұсақ ақауларды жөндеуге көмектесуде. Ал Нэнсиді алда Германия, Франция, Чехия және Италия күтіп тұр. Енді оның сапар күнделігіне қостанайлық «103» қызметі дәрігерлерінің қамқорлығы мен қонақжайлылығы туралы жүрек жылытатын оқиға қосылды. 🚀https://t.me/DenMinPR