Post #22975

ДЕНСАУЛЫҚ САҚТАУ МИНИСТРЛІГІ АТА-АНАЛАРМЕН БАЛАЛАРҒА ОНКОЛОГИЯЛЫҚ КӨМЕК КӨРСЕТУ МӘСЕЛЕЛЕРІН ТАЛҚЫЛАДЫ 📌 Денсаулық сақтау министрінің тапсырмасы бойынша бүгін Ана мен бала ұлттық ғылыми орталығының базасында онкологиялық аурулармен ауыратын балалардың ата-аналарын біріктіретін «Бақытты Шаңырақ» қоғамдық қорымен кездесу өтті. 🔷 Кеңестің жұмысына Денсаулық сақтау министрлігі, Еңбек және халықты әлеуметтік қорғау министрлігі, Әлеуметтік медициналық сақтандыру қоры, «СҚ-Фармация», Ұлттық электрондық денсаулық сақтау орталығы, Астана қаласының және барлық өңірлердің денсаулық сақтау басқармаларының өкілдері, балалар онкологиясы мен гематологиясы саласындағы жетекші мамандар және ата-аналар қауымдастығының қоғамдық ұйымдары қатысты. Кездесудің мақсаты – онкологиялық және гематологиялық ауруларға шалдыққан балаларға медициналық көмек көрсету мәселелерін талқылау, сондай-ақ оның қолжетімділігі мен тиімділігін арттыру жөніндегі шараларды қарастыру. Кеңестің барысында келесі мәселелер көтерілді: • дәрілік препараттармен қамтамасыз ету; • онкологиялық ауруларды еңсерген балаларға мүгедектік мерзімін және әлеуметтік жеңілдіктерді ұзарту; • медициналық және психологиялық оңалтудың сатыларын ұйымдастыру, оның ішінде санаторийлік-курорттық емделу; • емдеу клиникалық хаттамаларын халықаралық стандарттарға сай жаңарту; • ата-аналарға шұғыл медициналық көмек көрсету және өңірлерде балалар онкологтарының қабылдауына қолжетімділікті арттыру. Кездесуде ел ішінде және шетелде емдеуді ұйымдастыру, дәрі-дәрмекпен қамтамасыз ету, карт-хабарлама мен препараттардың жеке төзімсіздігі, оңалту және санаторийлік емдеу мәселелері бойынша түсініктемелер берілді. ⏩ Ата-аналармен ашық диалог – ерекше қамқорлық пен қолдауды қажет ететін балаларға медициналық көмек көрсетуді жақсартуға бағытталған жүйелі жұмыстың маңызды бөлігі болып табылады. 🚀https://t.me/DenMinPR