Post #23164

ДЕНСАУЛЫҚ САҚТАУ МИНИСТРЛІГІНІҢ БАСШЫСЫ ЖЕРГІЛІКТІ ЖЕРЛЕРДЕ ЕМХАНА РЕФОРМАЛАРЫН САПАЛЫ ІСКЕ АСЫРУ БОЙЫНША БІРҚАТАР ТАПСЫРМАЛАР БЕРДІ 📌 Бүгін ҚР Денсаулық сақтау министрлігінде ведомстволық бағынысты ұйымдар мен өңірлік денсаулық сақтау басқармаларының қатысуымен апта сайынғы аппараттық кеңес өтті. Отырыс барысында емханалардың жаңа тәсілдерді енгізуге және «Қамқор емхана» моделін дамытуға бағытталған негізгі индикаторларды орындау мониторингісінің қорытындылары қаралды. 🔷 Мониторинг: • тиімді Call-орталықтың болуы; • дәрігерлермен және орта медициналық персоналмен жасақталу; • қажетті жабдықтармен жарақтандыру; • тіркеу орнының жұмысын және қабылдау кестесінің қолжетімділігін ұйымдастыру; • жедел жәрдем бөлімшелері мен кабинеттерінің және мобильді бригадалардың қызметін үйлестіру; • медбикені өз бетінше қабылдау кабинетінің болуы; • пациенттерді жоспарлы қабылдауды орындау секілді көрсеткіштерді қамтыды: Мониторинг қорытындылары бойынша оң динамика: 👀 С. Қайырбекова атындағы денсаулық сақтауды дамытудың Ұлттық ғылыми орталығы басшысы Гүлнар Құлқаеваның ақпараты бойынша., мониторингтің алдыңғы кезеңінде 700 емханадан 159 ұйымда (22,7%) белгіленген критерийлерге сәйкессіздік анықталды. 👀 301 емхана арасында жүргізілген мониторингтің соңғы кезеңі аясында сәйкессіздіктер 37 ұйымда тіркелді (12,6%). 👀 Бұл нәтижелер емханалар жұмысының үдемелі жақсарғанын көрсетеді және енгізіліп жатқан «Қамқор емхана» моделінің тиімділігін растайды. Сондай-ақ, талаптарға сәйкес келетін жедел жәрдем кабинеттері санының артуы атап өтілді, бұл емханалардың халыққа шұғыл медициналық көмек көрсетуге дайындығын арттырады. Денсаулық сақтау министрі емханалар – денсаулық сақтау жүйесіндегі бірінші және маңызды буын екенін атап өтті: 🔷 Ол министрлік нормативтік-құқықтық актілерді жаңа тәсілдерге сәйкес келтіргенін, ал пилоттық жобалар жоспарланған реформалардың тиімділігін көрсеткенін еске салды. Дегенмен, өзгерістерді сәтті жүзеге асыру жергілікті жерлердегі жұмыс сапасына байланысты. 📌 Ақмарал Әлназарова емханалардың жұмысын сапалы ұйымдастыруды, оның ішінде: • Call-орталықтардың үздіксіз жұмысы; • қол жетімді және ашық қабылдау кестелері; • уақтылы жазу және күту мерзімін қысқарту; • минималды кезектері бар тіркеушілердің тиімді жұмысы; • пациенттерді жоспарлы қабылдауды толық орындау. Тәулік бойы дайындығын қамтамасыз ете отырып, жедел жәрдем бөлімшелері мен кабинеттерінің және мобильді бригадалардың қызметіне бақылауды күшейтуді тапсырды Сондай-ақ, басқарма басшылары азаматтардың шағымдарымен жұмысты жеке бақылауға алуы қажет, оның ішінде: • дәрігерлерге жазылу мәселелері; • кестелердің ыңғайлы болмауы; • уақтылы кеңес ала алмау; • бюрократиялық кедергілер. «Нақты өзгеріссіз талаптарды ресми түрде орындау қажетті нәтижеге әкелмейді. Тек өңірлер деңгейіндегі жауапты және жүйелі жұмыс медициналық көмектің қолжетімділігін, ашықтығын және жоғары сапасын қамтамасыз етеді», – деп түйіндеді ведомство басшысы. 🚀https://t.me/DenMinPR