Post #23263

МИНИСТР АНА ӨЛІМІН АЗАЙТУ ЖӨНІНДЕ НАҚТЫ ТАПСЫРМАЛАР БЕРДІ 📌Бүгін ведомство алқасының отырысында Денсаулық сақтау министрі Ақмарал Әлназарова ана өлімін тұрақтандыру мен төмендетуді денсаулық сақтауды дамытудың абсолютті басымдығы деп белгіледі. Қазақстанда ана өлімі тарихи төмен мәндерде қалып отыр. Ағымдағы жылдың 10 айының қорытындысы бойынша көрсеткіш 100 мың тірі туғандарға шаққанда 10,3-ті құрады, бұл өткен жылдың деңгейімен салыстырылады. Босандыру ұйымдарында медициналық көмекті жақсарту бойынша жоспарлы жұмыс жүргізілуде, сондай-ақ жүкті әйелдерді бақылауды күшейту үшін әйелдер консультацияларының қызметі қайта жанданды. Әйелдерді прегравидалық даярлықпен қамту жоспардан асып, республика бойынша 46,1%-ды құрады. 📌Денсаулық сақтау министрі көмек сапасын одан әрі арттыру үшін келесі тапсырмаларды берді: 🔹өңірлік басқармалар — жүкті әйелдерді бағдарлау және емдеуге жатқызу бойынша НҚА-ны өзектендірсін, сондай-ақ босандыру және балалар бойынша жауапты орынбасарлар лауазымдарын толық жинақтасын; 🔹2026 жылғы 1 ақпанға дейін жүкті әйелдерге медициналық көмекті жетілдіру жөніндегі шаралар кешенін ұсынсын және республикалық орталықтардың жұмысын бағалауды жүргізсін; 🔹ғылыми орталықтар мен медициналық жоғары оқу орындарының басшыларына өңірлердің денсаулық сақтау басқармаларымен бірлесіп, әсіресе ауылдық жерлерде босандыру қызметі мамандарының практикалық дағдыларын арттыру бойынша кешенді шаралар әзірлеу тапсырылды. Денсаулық сақтау министрлігі Қазақстандағы әрбір болашақ ана мемлекеттің сенімді қорғауында болуы үшін медициналық көмектің сапасы мен қолжетімділігін қамтамасыз ету жөніндегі жүйелі жұмысты жалғастыруда. 🚀https://t.me/DenMinPR