Post #23404

ҚАРАҒАНДЫ ОБЛЫСЫ ДЕНСАУЛЫҚ САҚТАУ САЛАСЫНДАҒЫ 2025 ЖЫЛДЫҢ ҚОРЫТЫНДЫСЫН ШЫҒАРДЫ 📌 Қарағанды облысы денсаулық сақтау саласындағы 2025 жылғы дамудың негізгі нәтижелерін ұсынды. 🔷 Ағымдағы жылы өңірдің ауылдық жерлерінде 66 жаңа фельдшерлік-акушерлік пункт пайда болды, оның 51-і қайтарылған активтердің есебінен салынды. Жаңа нысандар шалғайдағы елді мекендердің тұрғындары үшін медициналық алғашқы көмекті қолжетімді етуге мүмкіндік берді. Арнаулы мемлекеттік қор мен әріптестік ұйымдардың қаражаты есебінен бірқатар маңызды жобалар іске асырылды: ● Балқашта жаңа балалар оңалту орталығына арналған ғимарат жөнделді; ● онкология орталығының операциялық-реанимациялық блогын жарақтандыруға қаржыландыру бөлінді; ● «Қазақстан халқына» қорының қолдауымен онкология орталығы желілік үдеткіш пен компьютерлік томограф алды; ● Қарағанды облыстық клиникалық ауруханасында «Диабеттік аяқ» орталығы ашылып, эндоскопиялық араласу мүмкіндігі бар жаңа реанимация бөлімшесі іске қосылды; ● Проф. Мақажанов атындағы көпбейінді аурухана үшін Remebot RM-200 нейрохирургиялық роботы сатып алынды - бұл тек өңірде ғана емес, елімізде де осындай алғашқы кешен. Аппарат жасанды интеллект технологияларын қолдана отырып миға жоғары дәлдіктегі операциялар жасауға мүмкіндік береді; ● МСАК ұйымдарында алғашқы көмек сапасын арттыру үшін 6 Үздік практикалар орталығы ашылды. 2025 жылы өңірге 137 жас дәрігер келді, оның ішінде 61 маман ауылдық жерлерге жіберілді. Облыстағы жұмыстың тартымдылығын арттыру үшін: ● көтерме төлемдер 8,5 млн теңгеге дейін ұлғайтылды, ● 14 маман қызметтік тұрғын үймен қамтамасыз етілді, ● 30 дәрігер шетелде оқудан және біліктілігін арттырудан өтті. 🔷 Жыл ішінде алты ірі стационардың құрылыс-монтаж жұмыстары аяқталды, бұл өңірдің медициналық инфрақұрылымын одан әрі кеңейту үшін негіз болады. 🚀https://t.me/DenMinPR