Post #23470

ТИМУР СҰЛТАНҒАЗИЕВ ТҮРКІСТАН ОБЛЫСЫНДА ХАЛЫҚПЕН КЕЗДЕСУ ӨТКІЗДІ 📌Түркістан облысына жұмыс сапары шеңберінде Денсаулық сақтау бірінші вице-министрі Тимур Сұлтанғазиев Кентау қаласындағы аурухана мен емхананың қызметімен танысып, халықпен кездесу және азаматтарды қабылдау өткізді. 🔷 Кентау ауруханасын аралау кезінде ол заманауи техникалық жарақтандыруды атап өтті: медициналық көмектің сапасын арттыру үшін жаңа лапароскопиялық жүйелер, бейнеэндоскоптар және ультрадыбыстық диагностика (УДЗ) аппараттары сатып алынды. Өңір тұрғындарымен кездесу барысында Т. Сұлтанғазиев денсаулық сақтау жүйесін дамытудың негізгі бағыттары, МӘМС туралы заңдағы 2026 жылдың қаңтар айынан бастап күшіне енетін жаңалықтар, дәрі-дәрмекпен қамтамасыз етуді, емханалардың жұмысын жақсарту, жергілікті жерлерде кадрлармен қамтамасыз ету шаралары туралы хабардар етті. 📊 Қабылданған шаралардың нәтижесінде дәрігерлердің тапшылығы 19%-ға, орта медициналық персоналдың тапшылығы 13%-ға, оның ішінде ауылдық жерлердегі дәрігерлердің тапшылығы 17%-ға төмендеді. 📊 Брифинг барысында өңір халқының денсаулық жағдайының негізгі көрсеткіштері де айтылды. 2024 жылдың қорытындысы бойынша Түркістан облысында өмір сүру ұзақтығы 75,32 жасқа дейін ұлғайды (2023 жылы — 74,94). Ағымдағы жылдың 10 айының қорытындысы бойынша жалпы өлім деңгейі 0,2%-ға, сәбилер өлімі - 10,2%-ға төмендеді. 👀 Одан әрі ол Түлкібас ауданының Азаттық ауылында 7 мыңға жуық тұрғыны бар ауылдық дәрігерлік амбулаторияның ашылуына қатысты. Жаңа нысан «Ауылдық денсаулық сақтауды жаңғырту» ұлттық жобасы шеңберінде салынды, ал Түркістан облысында барлығы 73 медициналық нысан жаңғыртуды қажет етеді, ағымдағы жылы ауылдық аудандарда 34 жаңа нысан, оның ішінде 7 дәрігерлік амбулатория, 5 фельдшерлік-акушерлік пункт, 22 медициналық пункт салынды. 📊 Сондай-ақ, Түркістан облысы әкімінің өкімімен халықты міндетті әлеуметтік медициналық сақтандыру жүйесімен қамтуды арттыру бойынша өңірлік штаб құрылды. Облыс халқының саны 2 млн адамнан асады, оның ішінде 1,6 млн адам немесе 81,3% сақтандырылған, 385 мың адам немесе 18,7% сақтандырылған мәртебеге ие емес. 📌 Жұмыс сапарының қорытындысы бойынша Тимур Сұлтанғазиев денсаулық сақтау саласында жүргізіліп жатқан жұмыстарға оң баға беріп, медициналық қызметтердің сапасын одан әрі арттыруға бағытталған ұсыныстарды айтты. 🚀https://t.me/DenMinPR