Post #23666

🔬🔽ЖАҢА ҒЫЛЫМИ ИНФЕКЦИЯЛЫҚ АУРУЛАР ОРТАЛЫҒЫ: ДИАГНОСТИКА МЕН ЕМДЕУДІҢ ӘЛЕМДІК СТАНДАРТТАРЫ Алматыда биылғы жылы 350 төсектік Ұлттық ғылыми инфекциялық аурулар орталығы – Мемлекет басшысының тапсырмасы бойынша салынған және халықаралық стандарттарға сәйкес жарақтандырылған бірегей денсаулық сақтау нысаны салынып, пайдалануға берілді. ҰҒИАО эпидемиялық қатерлерге ден қоюға тартылған ұлттық орталықтар үшін бірыңғай медициналық, ғылыми, өндірістік және білім беру платформасына айналады. Орталық операторы болып Ұлттық ғылыми фтизиопульмонология орталығы анықталды. Жаңа құрылым шеңберінде пульмонологиялық және инфекциялық төсектерді бір мезгілде енгізе отырып, фтизиатриялық төсектерді төмендету көзделген. Орталық кез-келген инфекциялық аурулары бар пациенттерді емдеуге жатқызуға, қосалқы патологияларды қоса алғанда жедел диагностика мен тиімді емдеуді қамтамасыз етуге бағытталған. Операциялық залдар пациенттерді басқа бейіндегі стационарларға ауыстырмай, «осында және қазір» қағидаты бойынша хирургиялық көмектің толық спектрін көрсетуге мүмкіндік береді. Орталықта пациенттер мен персоналдың қауіпсіздігін, сондай-ақ ауруханаішілік инфекция қаупін барынша азайтуды қамтамасыз ететін инфекциялық бақылаудың жоғары стандарттары енгізілді. ҰҒИАО генетикалық паспорттау және антибиотиктерге төзімділікті талдау негізінде туберкулезді және тыныс алу ағзаларының ауруларын емдеуге дербестендірілген тәсілді іске асыратын елдегі жалғыз стационар болады. Бұл емдеудің оңтайлы режимдерін таңдауға мүмкіндік береді. Орталық JCI және ISO 14644 «Таза үй-жайлар және олармен байланысты бақыланатын орта» стандарттарына сәйкес келеді, туберкулез және тыныс алу ағзаларының аурулары бойынша эпидемиологиялық жағдайға мониторинг жүргізеді, сондай-ақ бейіндік стратегияларды қалыптастыруға талдамалық қолдау көрсетеді. ҰҒИАО құрылымында GLP стандарттарына сәйкес келетін ғылыми-зерттеу блогы және ДДҰ-мен, «Стоп ТБ» әріптестігімен және басқа да ұйымдармен ынтымақтастықта үздік практикалар халықаралық орталығы көзделген. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz