Post #23679

📊🏥 ДЕНСАУЛЫҚ САҚТАУ САЛАСЫНДАҒЫ 2025 ЖЫЛДЫҢ ҚОРЫТЫНДЫСЫ: АЛМАТЫ ОБЛЫСЫ Алматы облысында денсаулық сақтау саласы қарқынды дамып келеді. Бүгінде өңірде 356 медициналық ұйым халыққа қызмет көрсетуде. Мыңдаған дәрігер мен орта буын медицина қызметкерлері тәулік бойы тұрғындардың саулығы үшін еңбек етуде. ⚠ Медициналық жабдықталу деңгейі 93%-ға артты 2025 жылы жергілікті бюджеттен 6 миллиард теңгеден астам қаржы бөлініп, 347 бірлік заманауи медициналық техника сатып алынды. Олардың қатарында МРТ, ангиограф, маммограф, ультрадыбыстық және эндоскопиялық аппараттар бар. Нәтижесінде медициналық ұйымдардың жабдықталу деңгейі 93 пайызға дейін артты. 🔬❗️Ауылдық медицина – басты назарда «Ауылдық денсаулық сақтауды жаңғырту» ұлттық жобасы аясында 38 медициналық нысанның құрылысы бекітіліп, бүгінде 36-сы пайдалануға берілді. Сонымен қатар, биыл 7 жаңа медициналық мекеменің құрылысы басталып, бірқатар аудандарда дәрігерлік амбулаториялар мен емханалар салынуда. Еңбекшіқазақ ауданының 5 ауылында блокты-модульді кешендер орнатылуда. Сонымен қатар, жаңа жыл қарсаңында Жамбыл ауданының Ұзынағаш ауылында 250 адамға арналған жаңа емхана пайдалануға берілді. 👩‍💻 Жоғары технологиялық медициналық көмек Өңірлік ауруханаларда травматология, нейрохирургия, урология, ЛОР және рентгенангиохирургия бағыттары бойынша жоғары технологиялық операциялар жасалуда. Стационарларда госпитальдық фармация бөлімшелері іске қосылып, пациенттер дәрі-дәрмекпен уақтылы қамтылуда. ☑ Кадр – басты құндылық Медицина саласындағы кадр тапшылығын азайту мақсатында жергілікті бюджет есебінен мамандар даярлау жүйелі түрде жүргізілуде. Биыл 80 дәрігер жұмысқа орналасты, ал 180 резидент медициналық жоғары оқу орындарында білім алуда. Аса тапшы мамандарға 8,5 миллион теңге көлемінде біржолғы төлем қарастырылған. 🚑 Жедел жәрдем жаңартылуда Облыстық жедел жәрдем қызметі кезең-кезеңімен жаңартылып, 90 санитарлық автокөлікпен қамту жоспарланған. Оның ішінде 20 санитарлық автокөлік қазіргі уақытта пайдалануға берілді. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz