Post #23691

⚠ 2025 жыл денсаулық сақтау жүйесі үшін нақты әрі айқын өзгерістер жылы болды. Мемлекет басшысының қолдауының арқасында біз медицина қызметкерлерін құқықтық қорғауды күшейтіп, инфрақұрылымды жаңғыртып, медициналық көмектің сапасын арттырдық. 📊 Нәтижелер келесідей: ▪️ күтілетін өмір сүру ұзақтығы — 75,4 жас; ▪️ жалпы өлім деңгейі 2,6%-ға, нәресте өлімі 18,7%-ға төмендеді; ▪️ Қазақстан БҰҰ-ның Адами даму индексінде 7 сатыға көтерілді. 👩‍💻 Саланы қаржыландыру көлемі 3 есеге ұлғайды — 2025 жылғы бюджет 3 трлн теңгені құрады. Үш ірі республикалық клиника пайдалануға берілді, ауылдық жерлерде 655 жаңа фельдшерлік-акушерлік пункт, дәрігерлік амбулатория іске қосылды, скринингтерді кеңейту арқылы профилактикалық бағыттар күшейтілді. 🤰 Жоғары технологиялық бағыттар да қарқынды дамуда: ана мен баланың денсаулығын сақтау жүйесі нығайтылды, онкологиялық қызмет жаңғыртылды, елдегі алғашқы протондық терапия орталығы ашылды. Дәрілік саясат жаңартылып, цифрлық шешімдер мен жасанды интеллект енгізілуде. 👩‍⚕️ Саланың басты құндылығы — адам. Біз медицина қызметкерлерін қолдауды жүйелі түрде күшейтіп келеміз және сапалы әрі қолжетімді медициналық көмектің әрбір азаматқа жақын болуын қамтамасыз ету бағытындағы жұмысты жалғастыра береміз. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz