Post #23713

🏥 КЕНТАУ ҚАЛАЛЫҚ ЕМХАНАСЫНЫҢ БАЗАСЫНДА ДАМУ ЖӘНЕ ЕРТЕ АРАЛАСУ ОРТАЛЫҒЫ АШЫЛДЫ Орталықтың негізгі мақсаты — баланың өмірінің ерте кезеңдерінен бастап дені сау өсіп-жетілуін бақылау, медициналық және әлеуметтік қауіп-қатерлерді уақтылы анықтау және оларды барынша азайту. Даму және ерте араласу орталығы кешенді тәсілді іске асырады. Мұнда жүкті әйелдерге және бес жасқа дейінгі балаларға көмек көрсетіледі, бала күтімі, ана сүтімен қоректендіру және теңгерімді тамақтануды ұйымдастыру мәселелері бойынша консультациялар беріледі. Балалардың физикалық және нерв-психикалық дамуына скрининг жүргізіледі, оның ішінде аудиологиялық скрининг те бар. Аутизм белгілерін ерте анықтау үшін M-CHAT-R модификацияланған тесті қолданылады. Орталықта педиатр, невропатолог, психолог, логопед, дефектолог және әлеуметтік қызметкерлерден құралған мультидисциплинарлық команда жасақталған. Мамандар балалардың жағдайына кешенді бағалау жүргізіп, жеке даму жоспарларын әзірлейді және жүйелі динамикалық бақылау жүзеге асырады. Орталық ашылған сәттен бастап 451 бала консультация алды. Олардың 293-і мультидисциплинарлық команда тарапынан қаралды. Алғаш рет анықталған даму бұзылыстары бар 106 бала үшін жеке даму жоспарлары әзірленіп, іске асырылуда. Сонымен қатар, 26 бала қажетті емдеу және қалпына келтіру көмегін алу үшін оңалту орталықтарына жолданды. Еліміз бойынша медициналық-санитариялық алғашқы көмек ұйымдарында 209 педиатриялық бөлімше және 290 даму және ерте араласу орталығы құрылды. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz