Post #23871

🔴👶ДЕНСАУЛЫҚ САҚТАУ МИНИСТРЛІГІ: ҚАЗАҚСТАНДА ЖЫЛ САЙЫН 2 МЫҢНАН АСТАМ БАЛА ЖОҒАРЫ ТЕХНОЛОГИЯЛЫҚ КӨМЕК АЛАДЫ Соңғы екі жылда балалардың ел ішінде жоғары технологиялық медициналық көмекке қолжетімділігі едәуір кеңейтілді, сондықтан жекелеген бейіндер бойынша шетелге емделуге жолдамалар 3-5 есеге қысқартылды, деп хабарлады бүгін Денсаулық сақтау министрі Ақмарал Әлназарова Үкімет отырысында. Қазақстанда жыл сайын 2 мыңнан астам бала кардиохирургиялық ем алады, 400-ге жуық есту импланттары, 700-ге жуық шала туған балалар ретинопатияны түзетуден өтеді, күрделі нейрохирургиялық патологиясы бар 36 бала «Гамма-пышақ» аппаратында ем алды. 2026 жылы елде протондық және йод терапиясын енгізу, сондай-ақ тамырлық мальформацияларды емдеу жоспарлануда. Сонымен қатар, гибридтік нейрохирургиялық операция бөлмесін енгізу көзделген, бұл шетелдік емдеу қажеттілігін қосымша 50%-ға қысқартуға мүмкіндік береді. Сондай-ақ балаларға паллиативтік көмек көрсету стандартын бекітуді және 24 клиникалық стандартты жаңартуды қоса алғанда, балаларға медициналық көмектің мемлекеттік кепілдіктері кеңейтілетін болады. Денсаулық сақтау министрлігі балалар медицинасын дамыту, заманауи технологияларды енгізу және балалар денсаулығы мен ел болашағы мүддесінде денсаулық сақтау жүйесінің технологиялық тәуелсіздігін нығайту жөніндегі жұмысты жалғастырады. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz