Post #23919

🔷⚡️ Өткен жылдың қорытындысы бойынша фармацевтикалық нарықтың көлемі 2,5 млрд долларды құрады. Отандық фармацевтикалық өнім өндіру көлемі 8%-ға ұлғайды, қазақстандық дәрілік заттардың экспорты 1,5 есе өсті. Бұл ретте салаға тартылған инвестициялардың көлемі 2 есеге ұлғайды, бұл Қазақстанның Орталық Азиядағы көшбасшылық ұстанымдарының сақталуын растайды. Мемлекет басшысының тапсырмаларын орындау үшін біз фармацевтика саласын одан әрі дамыту және отандық дәрілік заттар өндірісін оқшаулау бойынша жүйелі шараларды іске асырамыз. Бүгін біз сенімді түрде: Қазақстан өзінің фармацевтикалық индустриясын дамытудың жаңа кезеңіне өтуде деп айта аламыз. Бүгінгі таңда Денсаулық сақтау министрлігі дәрі-дәрмектерді ел ішінде шығаруға бағытталған алты ірі инвестициялық келісім жасады. Осы жобалар бойынша инвестициялардың жиынтық көлемі 316 млрд теңгеден асады. Жаңа кәсіпорындарда 400-ден астам дәрілік заттың өндірісі локализацияланатын болады. Өндірістік желі онкологиялық ауруларды және қант диабетін емдеуге арналған препараттарды, сондай-ақ иммунобиологиялық, вирусқа қарсы, анемияға қарсы, ауырсынуды басатын, қабынуға қарсы, суыққа қарсы және микробқа қарсы препараттарды қамтиды. Жобалардың шеңберінде 72 әлеуметтік маңызы бар дәрілік заттарды өндіру көзделгенін айта кеткен жөн. Бұл елдің дәрілік қауіпсіздігіне және азаматтар үшін өмірлік маңызды препараттардың қолжетімділігіне тікелей әсер етеді. Бұл жобаларды іске асыру отандық өндірістің үлесін ұлғайтуға, импортқа тәуелділікті төмендетуге және халықты қазақстандық өндірістің сапалы және қолжетімді дәрі-дәрмектерімен қамтамасыз етуге мүмкіндік береді. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz