Post #23933

🇰🇿💊ҚАЗАҚСТАН ДӘРІ-ДӘРМЕКТЕРДІ ОҚШАУЛАУДЫ ЖЕДЕЛДЕТУДЕ: 134 МЛРД ТЕҢГЕГЕ ТАҒЫ ҮШ ИНВЕСТИЦИЯЛЫҚ КЕЛІСІМГЕ ҚОЛ ҚОЙЫЛДЫ Президенттің отандық фармацевтикалық өнімнің үлесін арттыру жөніндегі тапсырмаларын орындау шеңберінде Қазақстанда дәрілік препараттар шығаруды оқшаулау бойынша тағы үш ірі инвестициялық жоба іске қосылуда. Денсаулық сақтау министрлігі жеке компаниялармен - «Абди Ибрахим Глобал Фарм» ЖШС, «АлтИНФАРМ» ЖШС және «МСП-Ромфарм» ЖШС-мен жалпы инвестиция сомасы 134 млрд теңгені құрайтын үш келісімге қол қойды. Жобаларды іске асыру әлеуметтік маңызы бар дәрілік заттар шығаруды кеңейтуге, препараттардың шамамен 270 атауын өндіруді қамтамасыз етуге және 470-тен астам жаңа жұмыс орнын құруға мүмкіндік береді. Жобалар ғылыми-зерттеу және тәжірибелік-конструкторлық жұмыстар мен технологиялар трансферінен бастап дайын дәрілік заттарды шығаруға дейінгі толық циклді жоғары технологиялық фармацевтикалық өндірістерді құруды көздейді. «Қол қойылған келісімдер — бұл дәрілік егемендікті нығайтуға және импортқа тәуелділікті төмендетуге жасалған үлкен қадам. Келісімдердің шеңберінде инвесторларға салықтық және кедендік преференцияларды, инфрақұрылымдық сүйемелдеуді және сатып алудың ұзақ мерзімді тетіктерін қоса алғанда, мемлекеттік қолдау шараларының кешені ұсынылады. Оның орнына инвесторлар өндірісті оқшаулау, әлеуметтік маңызы бар дәрілік заттарды шығару, жұмыс орындарын құру және халықаралық сапа стандарттарын енгізу бойынша міндеттемелерді өзіне алады», - деп атап өтті ҚР Денсаулық сақтау министрі Ақмарал Әлназарова. Осылайша, «АлтИНФАРМ» ЖШС Алматы қаласындағы «Инновациялық технологиялар паркі» арнайы экономикалық аймағында фармацевтикалық зауыт салуға 58,5 млрд теңге инвестициялайды. Жоба қант диабеті мен онкологиялық ауруларды емдеуге арналған препараттарды қоса алғанда, 89 дәрілік зат шығаруды көздейді, олардың едәуір бөлігі әлеуметтік маңызды болып табылады. 2035 жылдан бастап компания өнімдерді сыртқы нарықтарға экспорттауды жоспарлап отыр. «Абди Ибрахим Глобал Фарм» ЖШС аутоиммундық және орфандық ауруларды емдеуге арналған препараттарды қоса алғанда, 76 дәрілік зат өндірісін құруға 39 млрд теңге бөледі. Жоба оқшаулауды кезең-кезеңімен тереңдетуге, оның ішінде белсенді фармацевтикалық субстанцияларды өндіру бойынша құзыреттерді дамытуға және биотехнологиялық технологиялар трансферіне бағытталған. «МСП-Ромфарм» ЖШС Болгария Мен Түркиядан келген халықаралық әріптестердің қатысуымен құны 36,7 млрд теңге болатын инвестициялық жобаны іске асыруда. 96 атаудан тұратын өндірістік портфель бронх демікпесін, эпилепсияны, нейродегенеративті және басқа да бірқатар созылмалы ауруларды емдеуге арналған дәрілік заттарға қажеттілікті жабуға мүмкіндік береді. Қол қою рәсіміне «KAZAKH INVEST» Ұлттық компаниясы» АҚ төрағасы Сұлтанғали Қанжақұлов та қатысты. KAZAKH INVEST-тің көмегімен инвесторларға инвестициялық модельді пысықтаудан бастап мемлекеттік органдармен және бейінді ұйымдармен өзара іс-қимылда жобаларды сүйемелдеуге дейінгі барлық кезеңдерде консультациялық қолдау көрсетілді. Денсаулық сақтау министрлігі Қазақстанда жалпы сомасы 316 млрд теңгеге фармацевтика өндірісін оқшаулау бойынша 5 инвестициялық келісім жасасты. Соңғы екі жылда фармацевтика саласына инвестиция көлемі екі есеге жуық – $47 млн-нан 8 87 млн-ға дейін өсті. Қазақстанда алдағы 2-4 жылда 400-ден астам жаңа дәрілік зат өндірілетін болады. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz