Post #23989

🇰🇿🇬🇧А. ӘЛНАЗАРОВА МЕН ҰЛЫБРИТАНИЯНЫҢ ҚАЗАҚСТАНДАҒЫ ЕЛШІСІ БІРҚАТАР БІРЛЕСКЕН БАСТАМАЛАРДЫ ТАЛҚЫЛАДЫ ҚР Денсаулық сақтау министрі Ақмарал Әлназарова Ұлыбританияның Қазақстан Республикасындағы Төтенше және Өкілетті Елшісі Салли Джейн Аксуорсимен, сондай-ақ International Hospitals Group және Turar Healthcare компанияларының өкілдерімен кездесу өткізді. Тараптар әріптестік қатынастардың тұрақты сипаты мен денсаулық сақтау саласындағы дамудың ұзақ мерзімді векторын атап өтіп, елдердің арасындағы ынтымақтастықтың ағымдағы жай-күйі мен перспективаларын талқылады. А. Әлназарова Ұлыбритания Қазақстанның негізгі әріптестерінің бірі болып табылатынын, ал өзара іс-қимылдың жинақталған тәжірибесі жаңа бірлескен бастамаларды іске асыру үшін негіз құратынын атап өтті. Саланың медициналық инфрақұрылымы мен инвестициялық әлеуетін жаңғырту мәселелеріне ерекше назар аударылды. Сондай-ақ, фармацевтика саласындағы өзара іс-қимыл мәселелері, соның ішінде AstraZeneca компаниясымен ынтымақтастықтың оң тәжірибесі қарастырылды. Тараптар медициналық инновациялар, ғылыми зерттеулер және медицина кадрларын даярлау саласындағы өзара іс-қимылды дамытуға дайындығын растады. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz