Post #23998

🛩👩‍⚕️Санитарлық авиация тікұшағы Жамбыл облысының Қордай ауданынан жаңа туған сәбиді облыстық ауруханаға аман-есен жеткізді 👶 Бүгін санитарлық авиация қызметінің тікұшағы «Әулиеата» халықаралық әуежайынан Қордай ауданына арнайы рейс жасады. Ұшу мақсаты – Қордай ауданына қарасты Масаншы ауылында 2025 жылы дүниеге келген жаңа туған сәбиге шұғыл медициналық көмек көрсету. 🩺 Дәрігерлердің шешіміне сәйкес, нәрестені облыстық деңгейде емдеу қажет деп танылып, оны Жамбыл облыстық балалар ауруханасына тасымалдау ұйымдастырылды. Санитарлық авиация бригадасының құрамында тәжірибелі дәрігерлер мен фельдшерлер болып, ұшу барысында сәбидің жағдайы үздіксіз бақылауда болды. ✈️ Тікұшақпен тасымалдау уақытты тиімді пайдалануға мүмкіндік беріп, науқас сәбиді мүмкіндігінше қысқа мерзімде мамандандырылған медициналық мекемеге жеткізуге жағдай жасады. Қазіргі уақытта бала облыстық балалар ауруханасына аман-есен жеткізіліп, қажетті медициналық көмек көрсетілуде. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz