Post #24016

🏥ТҮРКІСТАН БАЛАЛАР АУРУХАНАСЫ: ЕЛІМІЗДІҢ ЖЕТЕКШІ КЛИНИКАЛАРЫНЫҢ ДЕҢГЕЙІ ЕНДІ ӨҢІР БАЛАЛАРЫНА ҚОЛЖЕТІМДІ Түркістан облыстық балалар ауруханасы - облыс аудандарынан жіберілген 18 жасқа дейінгі балаларға шұғыл және жоспарлы медициналық көмек көрсететін 3-деңгейдегі заманауи көпбейінді орталық. 2024 жылы аурухана ұжымы ҚР Денсаулық сақтау министрлігінің «Беделді балалар ауруханасы» атағына ие болып, команданың жоғары кәсіби деңгейін растады. 2025 жылы медициналық ұйым медициналық көмектің ұлттық сапа стандарттарына сәйкестігін бағалаудан сәтті өтіп, сәйкестіктің жоғары санатын алды. Балалар ауруханасын жаңарту медициналық көмектің сапасын арттыруға, кадрлық әлеуетті дамытуға және педиатрияның заманауи стандарттарын енгізуге бағытталған. Жобаны іске асыру өңір балаларына еліміздің жетекші клиникалары деңгейінде жоғары білікті көмек алуға мүмкіндік береді. Аурухананың инфрақұрылымы белсенді дамып келеді, мамандандырылған көмекті ұйымдастырудың жаңа тәсілдері енгізілуде. Аурухананың төсек қоры 422 төсек, оның ішінде: 224 хирургиялық, 162 педиатриялық және 36 оңалту төсегі. Жұмыс 14 клиникалық бөлімшеде жүргізілуде, сондай-ақ 50 орындық күндізгі стационар жұмыс істейді. 2025 жылы стационарда 20 332 пациент емделді, оның 17 445-і МӘМС бағдарламасы бойынша, бұл ретте 55% -ы ауылдық жерлердің тұрғындары. Бір жылдың ішінде барлығы 6 756 операция, 26 жоғары технологиялық араласу жүргізілді. Консультациялық-диагностикалық орталық 75 929 пациентті қабылдады, 3 615 КТ, 2 382 МРТ, 19 472 рентгенологиялық зерттеу, 13 545 УДЗ және 1 390 ЭФГДС орындалды. Туа біткен патологиясы бар жаңа туған нәрестелердің өмірін сақтайтын неонатальды хирургияға ерекше назар аударылады. Өткен жылы 763 пренатальды консилиум өткізілді, медициналық авиация желісі бойынша 728 бала облыстық балалар ауруханасына ауыстырылды, ал 195 жаңа туған нәрестеге туа біткен кемістіктер кезінде шұғыл операциялар жүргізілді. Перинаталдық орталықтарда неонаталдық хирургтар 59 күрделі операция жасады. Түркістан облыстық балалар ауруханасы - бұл өңірдің әрбір баласына жоғары дәрежелі медициналық көмектің қолжетімді болуына сенімді қадам. Қазақстан Республикасы Денсаулық сақтау министрлігінің баспасөз қызметі 🖥Ресми сайт gov.kz/memleket/entities/dsm 📱Facebook facebook.com/healthcare.gov.kz 📱Instagram https://instagram.com/healthcare.gov.kz